တန့်ယန်း ၄ မေ
ကိုဗစ်-၁၉ ကာကွယ်တားဆီးနိုင်ရေးအတွက် ရှမ်းပြည်နယ်(မြောက်ပိုင်း) တန့်ယန်းမြို့တွင် မြို့နယ်မှ တာဝန်ရှိဌာနဆိုင်ရာများ၊ လူမှုရေးအသင်းအဖွဲ့များနှင့် စေတနာရှင်ပြည်သူများက ဝိုင်းဝန်းကာ ပူးပေါင်းဆောင်ရွက်လျက်ရှိကြသည်။
ထိုသို့ဆောင်ရွက်နေရာတွင် မေ ၄ ရက် နံနက်ပိုင်းက မြို့နယ်အရန်မီးသတ်တပ်ရင်းမှ တပ်ဖွဲ့ဝင်များက မိုင်းကောင်ကျေးရွာ အရန်မီးသတ်တပ်ဖွဲ့ဝင်များနှင့် ပူးပေါင်းကာ မိုင်းကောင်ကျေးရွာရှိ လမ်းများ၊ အ.ထ.က ကျောင်း၊ စျေးနှင့် မိုင်းကောင်တိုက်နယ်ဆေးရုံသို့ သွားရောက်၍ ကိုဗစ်-၁၉ ကာကွယ် တားဆီးနိုင်ရေးအတွက် ပိုးသတ်ဆေးဖျန်းပေးကြကြောင်း သိရသည်။
မင်းလွင်ဦး(ပြန်/ဆက်)
