ရန်ကုန်  ၁၁  မေ

Coronavirus Disease 2019 (ကိုဗစ်-၁၉) ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီနှင့် ကျန်းမာရေးနှင့် အားကစားဝန်ကြီးဌာနသို့ အလှူရှင်များက (ကိုဗစ်-၁၉) ကာကွယ်၊ ထိန်းချုပ်၊ ကုသရေးဆိုင်ရာ ရန်ပုံငွေ၊  ဆေးနှင့်ဆေး ပစ္စည်းများ  လှူဒါန်းပေးအပ်ပွဲ အခမ်းအနားကို ယနေ့ နံနက် ၉ နာရီက  ရန်ကုန်မြို့ တာမွေမြို့နယ် ကျိုက္ကဆံအားကစားကွင်း ပြည်ထောင်စုခန်းမ၌ ပြုလုပ်သည်။

ရှေးဦးစွာ အလှူရှင်များကိုယ်စား နိုင်ငံတော်နှင့်အကျိုးတူ ကျောက်စိမ်း ကျောက် မျက်တူးဖော်ရေး လုပ်ငန်းရှင်များအဖွဲ့ ကိုယ်စား ဦးနေဝင်းထွန်းက လှူဒါန်းရခြင်းနှင့် စပ်လျဉ်း၍ ရှင်းလင်းပြောကြားပြီး ကျန်းမာရေးနှင့် အားကစား ဝန်ကြီးဌာန၊ ပြည်ထောင်စုဝန်ကြီးရုံး ညွှန်ကြားရေးမှူးချုပ် ဒေါက်တာ သာထွန်းကျော်က ကျေးဇူးတင်စကား ပြောကြားသည်။

ထို့နောက် ညွှန်ကြားရေးမှူးချုပ် ဒေါက်တာသာထွန်းကျော်ထံ အလှူရှင်များက အလှူငွေနှင့် (COVID-19) ကာကွယ်၊ ထိန်းချုပ်၊ ကုသရေးဆိုင်ရာ ရန်ပုံငွေ၊  ဆေးနှင့် ဆေးပစ္စည်းများ ပေးအပ်လှူဒါန်းကြပြီး  ညွှန်ကြားရေးမှူးချုပ်က ဂုဏ်ပြုမှတ်တမ်းလွှာများ ပြန်လည်ပေးအပ်သည်။

ယနေ့ လှူဒါန်းပွဲ၌ အလှူရှင် (၁၂)ဦးတို့က ငွေကျပ် သိန်းပေါင်း (၂၅၉၃၀)နှင့် အမေရိကန်ဒေါ်လာ (၁၁၄၀ဝ) နှင့် ညီမျှသော (COVID-19) ကာကွယ်၊ ထိန်းချုပ်၊ ကုသရေး ဆိုင်ရာ ရန်ပုံငွေ၊  ဆေးနှင့် ဆေးပစ္စည်းများ ပေးအပ်လှူဒါန်းရာ  နိုင်ငံတော်နှင့်အကျိုး တူ ကျောက်စိမ်း ကျောက်မျက် တူးဖော်ရေး လုပ်ငန်းရှင်များ အဖွဲ့က ငွေကျပ်သိန်း (၂၁၀ဝ၀) နှင့် ညီမျှသော PPE ဝတ်စုံ(၅၀ဝ၀ဝ)နှင့် ဆက်စပ်ပစ္စည်း (၈)မျိုး၊ Myanmar Shwe Nagar Agricultural Group Co.,Ltdနှင့် China Merchants Group က PPE ဓာတ်ပုံ(၄၀ဝ၀)၊ မျက်မှန်(၄၀ဝ၀)နှင့် Mask (၄၅၀ဝ)၊ UPG Paint& Coating Co.,Ltd က အသက်ရှုစက် (၆)လုံး၊ ကျောက်စိမ်းတောင် ကျောက်မျက်ကုမ္ပဏီ က ငွေကျပ်သိန်း (၁၀ဝ၀)၊ Lighthouse Enterprise Limited က ငွေကျပ်သိန်း (၅၀ဝ)၊ ဒေါ်ခင်ယုံနှင့်သားသမီးမြေး တစ်စုက အသက်ရှုအထောက်အကူပြုစက် နှစ်လုံး၊ မြန်မာကလပ်(စင်ကာပူ)မှ ငွေကျပ်(၁၃၂)သိန်း၊ Telecom International Company Limited က ငွေကျပ်(၂၂၄)သိန်း၊ Geology 1979 Batch RASU ကျောင်းသားဟောင်းများမှ ကျပ်(၂၆)သိန်း၊ Advanced Synergy Co.,Ltdမှ PPE(၆၀)ခု၊ လက်အိတ်ရှည်(၆၀)၊ မျက်မှန်(၆၀)၊ ဖိနပ်(၆၀)နှင့် N95Mask (၆၀)၊ Pure White Group က ငွေကျပ်(၂၇ ဒသမ ၇၈) သိန်း နှင့် မြန်မာ အလုပ်သမား လူမှုဖူလုံရေးစင်တာ (ကိုရီးယား)မှ အမေရိကန် ဒေါ်လာ (၁၁၄၀ဝ)ဒေါ်လာ တန်ဖိုးရှိ COVID-19 RT-PCR Test Kist (၁၁၀ဝ)တို့ကို ပေးအပ်လှူဒါန်းခဲ့ကြသည်။

{သတင်းနှင့်ဓာတ်ပုံ/မင်းသစ်(MNA)}