မိုင်းရယ် ၁၈ မေ
ကိုဗစ်-၁၉ ရောဂါကာကွယ်ရေးအတွက် ကျန်းမာရေးအသိပညာပေး ဟောပြောပွဲကို ယနေ့နံနက် (၁၁)နာရီက မိုင်းရယ်မြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ စာကြည့်တိုက်ခန်းမတွင် ကျင်းပသည်။
ဟောပြောပွဲတွင် လက်ရှိဖြစ်ပွားနေသည့် ကိုဗစ်-၁၉ ရောဂါကူးစက်နိုင်သည့် နည်းလမ်းများ၊ ကူးစက်မှု ကာကွယ်ရေးအတွက် လိုက်နာဆောင်ရွက်ရမည့် အချက်များနှင့် စနစ်တကျ လက်ဆေးနည်းများကို မြို့နယ်ဦးစီးမှူး ဒေါ်ခင်မာလာ က ဟောပြောသည်။
ဟောပြောပွဲသို့ တက်ရောက်လာသူများအား ၃ ပေ အကွာ ထိုင်စေခြင်း၊ လက်သန့်ဆေးရည်ဖြင့် လက်ဆေးခြင်းများကို ပြုလုပ်ပေးခဲ့ပြီး ပြန်ကြားရေးနှင့်ပြည်သူ့ဆက်ဆံရေး ဦးစီးဌာနက ထုတ်ဝေသည့် ကိုဗစ်-၁၉ ရောဂါကာကွယ်ရေး သတင်းစကား လက်ကမ်းစာစောင်များကို ဖြန့်ဝေပေးခဲ့သည်။
ဆက်လက်ပြီး ၂၀၂၀ခုနှစ်၊ ဇန်နဝါရီလမှ မေလအထိ မိုင်းရယ် ပြည်သူ့စာကြည့်တိုက်တွင် စာငှားအများဆုံးဆုကို ဦးသိန်းဝင်း(ရပ်ကွက်-၂)၊ ဒေါ်ညိုညို(ရပ်ကွက်-၃)၊ ဒေါ်ငြိမ်းအိဇာ (ရပ်ကွက်-၂) တို့က ရရှိရာ မြို့နယ်ဦးစီးမှူး ဒေါ်ခင်မာလာ က အမှတ်တရ လက်ဆောင်များ ပေးအပ်ခဲ့သည်။
မြို့နယ် (ပြန်/ဆက်)
