သံဖြူဇရပ် ၂၁ ဇွန်
မွန်ပြည်နယ်၊ သံဖြူဇရပ်မြို့နယ် နယ်မြေခံတပ်၌ အသွားအလာ ကန့်သတ်စောင့်ကြည့်မှု ၂၁ ရက်ပြည့်သူ ၂၁၈ ဦးအား ယနေ့ နံနက် ၁၀ နာရီက တာဝန်ရှိသူများက ၄င်းတို့၏ နေရပ်အသီးသီးသို့ ပြန်လည်ပို့ဆောင်ပေးခဲ့ကြောင်း သိရသည်။
ထိုသို့ပို့ဆောင်ရာတွင် မွန်ပြည်နယ်မှ ၂၁၃ ဦး၊ ပဲခူးတိုင်းဒေသကြီးမှ ၂ ဦး၊ ကရင်ပြည်နယ်မှ ၃ ဦးတို့အား ကျန်းမာရေးစစ်ဆေးမှု နှစ်ကြိမ်ပြုလုပ်ခဲ့ရာ ကိုဗစ်-၁၉ ရောဂါပိုးမတွေ့ရှိသည့်အတွက် မြို့နယ် ကျန်းမာရေး ဦးစီးဌာန၏ ထောက်ခံချက်နှင့်အတူ မိမိဒေသသို့ပြန်လည်ရောက်ရှိပါက သက်ဆိုင်ရပ်ကွက်ကျေးရွာ အုပ်ချုပ်ရေးမှူး များထံ သတင်းပို့ပြီး မိမိတို့နေအိမ်၌ (၇)ရက် Home Qunrantine အဖြစ် နေထိုင်ကြရန် တာဝန်ရှိသူများမှ မှာကြားခဲ့သည်။
သံဖြူဇရပ်မြို့၊ နယ်မြေခံတပ်၌ နေရပ်ပြန်ပြည်သူ (၅၀၀)ဦးအား အသွားအလာကန့်သတ်ထားရှိပြီး ဇွန် ၂၂ ရက်တွင် ၁၇၇ ဦးနှင့် ၂၃ ရက်တွင် ၁၀၅ ဦးတို့အား ၄င်းတို့နေရပ်အသီးသီးသို့ ဆက်လက်၍ ပြန်လည်ပို့ဆောင်သွားမည် ဖြစ်ကြောင်း သိရသည်။
အေးအေးသီ(ပြန်/ဆက်)
