မိုးကုတ်   ၆   ဇူလိုင်

မြန်မာနိုင်ငံ လူမှုကယ်ဆယ်ရေးအဖွဲ့(မိုးကုတ်မြို့)သည် ယာယီရုံးခန်းကို ဇူလိုင်လကုန်တွင် ဖွင့်လှစ်၍ ကူညီကယ်ဆယ်​ရေးလုပ်ငန်းများကို အရှိန်အဟုန်မြှင့်​ ဆောင်ရွက်နိုင်​ရေး ကြိုးပမ်းလျက်ရှိသည်။

အဆိုပါအဖွဲ့အနေဖြင့် သဘာဝဘေးအန္တရာယ်နှင့် ကူညီကယ်ဆယ်ရေး လုပ်ငန်းများကို အချိန်နှင့် တစ်ပြေးညီ ဆောင်ရွက်လျက်ရှိရာ ရုံးခန်းဖြစ်မြောက်ရေးအတွက် ဆောင်ရွက်နေမှုကို မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းဒေသကြီး) နာယကဆရာတော် ဘုရားဖြစ်​တော်မူသော မိုးကုတ်မြို့  မင်္ဂလာတိုက်ဆရာတော်ဘုရားကြီး​ ဦဝီမလ၏ ကြည့်ရှုကူညီစောင့်ရှောက်မှုဖြင့် မင်္ဂလာတိုက်အတွင်း ယာယီရုံးခန်းကို ဇူလိုင်လကုန်တွင် ဖွင့်လှစ်နိုင်​တော့မည်ဖြစ်သည်။

အဆိုပါရုံးခန်း ဖွင့်လှစ်နိုင်ရေးအတွက် မင်္ဂလာတိုက် ဆရာတော်ဘုရားကြီး၏ ဦးဆောင်လမ်းညွှန်မှု၊ မြို့နယ်အတွင်းရှိ အလှူရှင်များ​၏ လှူဒါန်းမှု၊ လူမှုကယ်ဆယ်ရေးအဖွဲ့ဝင်များ​၏ ပူးပေါင်း ဆောင်ရွက်မှုများနှင့်အတူ မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းဒေသကြီး)​၏ ဒုတိယဥက္ကဋ္ဌ ဦးအောင်ကျော်မိုး​၏ အနီးကပ်ကြီးကြပ်​ပေးမှုတို့ဖြင့် ဆောင်ရွက်လျက်ရှိကြောင်း သိရသည်။

ဖြိုးမမ(မိုးကုတ်)