ချင်းရွှေဟော် ၁၁ ဇူလိုင်
တရုတ်နိုင်ငံမှ ပြန်လည်ဝင်ရောက်လာသည့် မြန်မာနိုင်ငံသား နေရပ်ပြန်ပြည်သူများသည် ကိုးကန့် ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်မြို့နယ်၊ ချင်းရွှေဟော်မြို့ မြန်မာ-တရုတ် နှစ်နိုင်ငံနယ်စပ်ဂိတ်ပေါက်မှ နေ့စဉ်ဝင်ရောက်လျက်ရှိရာ ယမန်နေ့ ညနေ ၆ နာရီအချိန်က ၁၆ ဉီးနှင့် ယနေ့ မွန်းလွဲ ၃ နာရီအချိန်က ၁၁ ဉီး စုစုပေါင်း နေရပ်ပြန်ပြည်သူ ၂၇ ဉီး ထပ်မံဝင်ရောက် လာခဲ့သည်။
အဆိုပါ ဝင်ရောက်လာသည့် နေရပ်ပြန်ပြည်သူ ၂၇ ဉီးတို့မှာ အမျိုးသား ၁၈ ဉီး၊ အမျိုးသမီး ၉ ဉီးတို့ဖြစ်ပြီး မန္တလေးတိုင်းဒေသကြီး၊ ရမည်းသင်းမြို့နယ် မှ ၅ ဉီး၊ ပဲခူးတိုင်းဒေသကြီး၊ သဲကုန်းမြို့နယ်မှ ၂ ဉီး၊ မကွေးတိုင်းဒေသကြီး၊ ပွင့်ဖြူမြို့နယ် မှ ၃ ဉီး၊ နေပြည်တော်၊ တပ်ကုန်း မှ ၁ ဉီး နှင့် ရှမ်းပြည်နယ်မြောက်ပိုင်း မှ ၁၆ ဉီး တို့ဖြစ်ကြောင်း သိရသည်။
ထိုသို့ ချင်းရွှေဟော်နယ်စပ်ဂိတ်မှ ဝင်ရောက်လာသည့် နေရပ်ပြန်ပြည်သူများအား ချင်းရွှေဟော်မြို့ ကိုဗစ်-၁၉ ရောဂါကာ ကွယ်ထိန်းချုပ်ကုသရေး လုပ်ငန်းကော်မတီမှ သက်ဆိုင်ရာ တိုင်းဒေသကြီး/ပြည်နယ်များသို့ စနစ်တကျစီစဉ် လွှဲပြောင်းပို့ဆောင်ပေးလျက်ရှိရာ ဧပြီ ၃၀ ရက်နေ့မှ ယနေ့အထိ အမျိုးသား ၇၂၄၄ ဉီးနှင့် အမျိုးသမီး ၅၈၃၁ ဉီး တို့ဖြစ်ပြီး စုစုပေါင်းနေရပ် ပြန်ပြည်သူ ၁၃၀၇၅ ဉီး တို့ကို လွှဲပြောင်းပို့ဆောင်ပေးခဲ့ကြောင်း သိရှိရသည်။
ဇင်ဇင်(ပြန်/ဆက်)
