လားရှိုး ၂၆ ဇူလိုင်
တရုတ်နိုင်ငံမှ ပြန်လည်ဝင်ရောက်လာသည့် မြန်မာနိုင်ငံသား နေရပ်ပြန်ပြည်သူများသည် ရှမ်းပြည်နယ်(မြောက်ပိုင်း)ရှိ မူဆယ်မြို့ ၊ ကိုးကန့် ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့နှင့် ချင်းရွှေ ဟော်မြို့များရှိ နှစ်နိုင်ငံနယ်စပ်ဂိတ်များမှတစ်ဆင့် နေ့စဉ်ဝင်ရောက်လျက်ရှိရာ နေရပ်ပြန် ပြည်သူများအား လားရှိုးမြို့မှတစ်ဆင့် မီးရထားခရီးစဉ်ဖြင့် သက်ဆိုင်ရာ တိုင်းဒေသကြီးနှင့် ပြည်နယ်အသီးသီးသို့ မေ ၆ ရက်နေ့မှစတင်ပြီး စနစ်တကျ လွှဲပြောင်းပို့ဆောင် ပေးလျက်ရှိသည်။
ထိုသို့ လွှဲပြောင်းပို့ဆောင်ပေးလျက်ရှိရာ ဇူလိုင် ၂၆ ရက် နေ့တွင် နေရပ်ပြန်ပြည်သူအမျိုးသား (၇၅)ဦး ၊ အမျိုးသမီး(၃၆)ဦး စုစုပေါင်း (၁၁၁)ဦးတို့အား လွှဲပြောင်း ပို့ဆောင်ပေးနိုင်ခဲ့ပါသည်။ အဆိုပါ နေရပ်ပြန်ပြည်သူ (၁၁၁)ဦး တို့တွင် ကချင်ပြည်နယ်မှ(၄)ဦး ၊ ချင်းပြည်နယ်မှ(၃)ဦး ၊ စစ်ကိုင်းတိုင်း ဒေသကြီးမှ (၂၄)ဦး ၊ ပဲခူးတိုင်းဒေသကြီးမှ (၁၁)ဦး ၊ မွန်ပြည်နယ်မှ(၂)ဦး ၊ မကွေးတိုင်း ဒေသကြီးမှ (၂၅)ဦး၊ မန္တလေးတိုင်း ဒေသကြီးမှ(၈)ဦး ၊ နေပြည်တော်မှ (၁)ဦး၊ ရခိုင်ပြည်နယ်မှ(၁၁)ဦး ၊ ရန်ကုန်တိုင်းဒေသကြီးမှ (၁၁)ဦး ၊ ဧရာဝတီတိုင်းဒေသကြီးမှ (၁၁)ဦး တို့ဖြစ်ကြသည် ။
ရှမ်းပြည်နယ်(မြောက်ပိုင်း) ကိုဗစ်-၁၉ ရောဂါ ကာကွယ်ထိန်းချုပ်ကုသရေးလုပ်ငန်းကော်မတီ၏ ကြီးကြပ်မှုဖြင့် နှစ်နိုင်ငံ နယ်စပ်ဂိတ်များမှတစ်ဆင့် ပြန်လည်ဝင်ရောက်လာသည့် နေရပ်ပြည်သူများအား စနစ်တကျ စိစစ်၍ သက်ဆိုင်ရာ တိုင်းဒေသကြီးနှင့် ပြည်နယ်အသီးသီးသို့ မြန်မာ့မီးရထားခရီးစဉ်ဖြင့် ပို့ဆောင်ပေးလျက်ရှိရာ မေလ(၆)ရက်နေ့မှ ဇူလိုင်လ(၂၆)ရက်နေ့အထိ နေရပ်ပြန် ပြည်သူအမျိုးသား (၈၃၄၁)ဦး ၊ အမျိုးသမီး(၅၂၄၂)ဦး စုစုပေါင်း (၁၃၅၈၃)ဦးတို့ကို စနစ်တကျ လွှဲပြောင်းပို့ဆောင် ပေးနိုင်ခဲ့ကြောင်း သိရသည်။
နန်းသန္တာဦး
