ဖားကန့် ၁၅ ဩဂုတ်
ကချင်ပြည်နယ် မိုးညှင်းခရိုင် ဖားကန့်မြို့နယ် လုံးခင်းကျေးရွာအုပ်စု ဆိုင်းရာရွာသစ်ကျေးရွာ အနောက်ဘက် ကျေးရွာချင်းဆက် ရွာလမ်းအဝင်ရှိ တစ်သုံးလုံးကုမ္ပဏီလုပ်ကွက်ဟောင်းအနီးတွင် ယနေ့ နံနက် ၇ နာရီက လမ်းမြေပြိုကျမှုဖြစ်ပွားခဲ့၍ ယာယီပိတ်ထားရကြောင်း ကျေးရွာတာဝန်ရှိသူတစ်ဉီးက ပြောသည်။
အဆိုပါလမ်းမြေပြိုကျသည့် နေရာအထက်ဘက် ပေ(၅၀၀)ခန့်အကွာတွင် အလျား ပေ (၁၀၀)ခန့်နှင့် လမ်းအကျယ် ပေ(၃၀)ခန့် မှာ အနီးရှိသော တစ်သုံးလုံးကုမ္ပဏီလုပ်ကွက်ဟောင်းဘက်သို့ ပြိုကျမှုဖြစ်ပွားခဲ့ပြီး လမ်းပြိုကျမှုကြောင့် ယာယီပိတ်ထားရကြောင်း လုံးခင်းကျေးရွာအုပ်စု ကျေးရွာအုပ်ချုပ်ရေးမှူးက ပြောသည်။
နီတိုး
