ကော့ကရိတ် ၁၇ သြဂုတ်
ကရင်ပြည်နယ်၊ ကော့ကရိတ်မြို့နယ် လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာဦးစီးမှူးရုံးမှ အိမ်ထောင်စု လူဦးရေ စာရင်းနှင့် နိုင်ငံသားစိစစ်ရေးကတ်ပြားများ ကွင်းဆင်းဆောင်ရွက်ခြင်းကို ၂၀၂၀ပြည့်နှစ် ဩဂုတ်လ (၇)ရက်နေ့မှစ၍ကျေးရွာများသို့ကွင်းဆင်း၍ ပြုလုပ်ဆောင်ရွက်ပေးလျှက်ရှိကြောင်း သိရသည်။
ထိုသို့ဆောင်ရွက်ရာတွင် ၂၀၂၀ပြည့်နှစ် အထွေထွေရွေးကောက်ပွဲအတွက်ဆန္ဒမဲ ပေးပိုင်ခွင့်ရှိသူများ နိုင်ငံသား အခွင့်အရေးမဆုံးရှုံးစေရန်ရည်ရွယ်၍ အသက်(၁၈)နှစ်ပြည့်ပြီး နိုင်ငံသားစိစစ်ရေးကတ်ပြား မရှိသေးသူများအား ကွင်းဆင်း ဆောင်ရွက်ပေးခြင်းဖြစ်ပြီး ကော့ကရိတ်မြို့နယ်တွင် ကျေးရွာအုပ်စု(၈) အုပ်စုမှ အသက်(၁၀)နှစ်ပြည့် ၃၆၀၊ အသက်(၁၈)နှစ်ပြည့် (၇၄၈)ဦး စုစုပေါင်း(၁၁၀၈)ဦး နှင့်အိမ်ထောင်စုလူဉီးရေစာရင်းများအား ပြုလုပ်ဆောင်ရွက်ပေးခဲ့သည်။
အဆိုပါကွင်းဆင်းဆောင်ရာတွင် ကော့ကရိတ်မြို့နယ် လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ မြို့နယ်ဦးစီးမှူး နှင့်သတ်မှတ်နယ်မြေအလိုက် တာဝန်ကျဝန်ထမ်းများ ကျေးရွာအုပ်စုအုပ်ချုပ်ရေးမှူးများမှ ပူးပေါင်းဆောင်ရွက်ပေးလျှက်ရှိကြောင်းသိရသည်။
ခင်မျိုးဝင်း(ခရိုင်ပြန်ဆက်)
