စီးပွားရေး ထိခိုက်မှုကြောင့် သွားလာမှု ကန့်သတ်ချက် ဖိလစ်ပိုင်နိုင်ငံ ဖြေလျှော့

၁၈ ဩဂုတ်

ပြည်တွင်းစီးပွားရေး ပြန်လည် သက်ဝင်လာစေမည့် ကြိုးပမ်းမှု တစ်ရပ်အဖြစ် သြဂုတ်လ ၁၉ ရက်မှစ၍ ဖိလစ်ပိုင် အစိုးရက မနီလာမြို့တွင်းနှင့် ပတ်ဝန်းကျင်၌ ကိုရိုနာဗိုင်းရပ်စ် သွားလာမှု ကန့်သတ်ချက် ဖြေလျှော့မည် ဖြစ်သည်။

ဖိလစ်ပိုင်နိုင်ငံ၌ ကိုရိုနာဗိုင်းရပ်စ် ကူးစက်မှုများ ဆက်လက်မြင့်တက်နေစဉ် အစိုးရက သွားလာမှုကန့် သတ်ချက် ဖြေလျှော့ရန် စီစဉ်ခြင်းဖြစ်သည်။ ကိုဗစ်-၁၉ ကပ်ရောဂါကြောင့် ကမ္ဘာတစ်ဝန်း စီးပွားရေး ကျဆင်းခဲ့ပြီး လူအများအပြား အလုပ်လက်မဲ့ ဖြစ်ကုန်ကြောင်း ဖိလစ်ပိုင်သမ္မတ ရော့ဒရီဂိုဒူတာတေးက ရုပ်သံမိန့်ခွန်း တစ်ခုအတွင်း ပြောကြားခဲ့သည်။ သွားလာမှု ကန့်သတ်ချက်ကြောင့် ထိခိုက်ခဲ့ရသည့် နိုင်ငံသားများ၊ ကုမ္ပဏီများကို လျော် ကြေးပေးရန် အစိုးရက မတတ်နိုင်တော့ကြောင်း ၄င်းက ပြောသည်။

ဧပြီ-ဇွန်လအတွင်း ဖိလစ်ပိုင်နိုင်ငံ၏ ဂျီဒီပီမှာ ၁၆ ဒသမ ၅ ရာခိုင်နှုန်းအထိ ကျဆင်းခဲ့ရာ ၁၉၈၁ ခုနှစ် နောက်ပိုင်း အဆိုးရွားဆုံးဖြစ်ကြောင်း သိရသည်။ ဖိလစ်ပိုင်နိုင်ငံက ဇွန်လနောက်ပိုင်း သွားလာမှု ကန့်သတ်ချက် အစီအမံများ တစ်ဖြည်းဖြည်း ဖြေလျှော့လျက်ရှိသည်။ ဗိုင်းရပ်စ် ကူးစက်မှုများ မြင့်တက်လာခြင်းကြောင့် သြဂုတ် လ ၄ ရက်အထိ မနီလာမြို့တော်နှင့် အိမ်နီးချင်းပြည်နယ်လေးခုတွင် အပျော်ခရီးတို ထွက်ခြင်းနှင့် စီးပွားရေးလုပ် ငန်းများကို ကန့်သတ်ခဲ့သည်။

အဆိုပါ ဧရိယာများရှိ စီးပွားရေး လုပ်ငန်းအများစု အနေဖြင့် သြဂုတ်လ ၁၉ ရက်မှစ၍ ပုံမှန် လုပ်ငန်းလည်ပတ်မှုများ ပြန်လည်စတင်နိုင်တော့မည်ဖြစ်သည်။

ကိုးကား-အင်န်အိတ်ချ်ကေ

ဘာသာပြန်-မေဇော်ထက်