ပန်းတနော်   ၁၉  သြဂုတ် 

ဧရာဝတီတိုင်းဒေသကြီး၊  မအူပင်ခရိုင်၊ ပန်းတနော်မြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် အားကစားနှင့်ကာယပညာဦးစီးဌာနတို့ ပူးပေါင်းဖွင့်လှစ်သော ကိုယ်လက်လှုပ်ရှား အားကစား (Myanmar Fitness Dance) သင်တန်းကို သြဂုတ် ၁၈ ရက်မှ ၂၁ ရက်အထိ နံနက် ၇ နာရီခွဲမှ ၈ နာရီခွဲအထိ ပန်းတနော်မြို့(River View) ပေါ်၌  သင်ကြားပေးလျက်ရှိကြောင်း သိရသည်။

ကိုယ်ခန္ဓာကျန်းမာကြံ့ခိုင်လာစေရန်၊ ကိုယ်လက်လှုပ်ရှားအားကစားကို စိတ်ဝင်စားလာစေရန်၊ သွေးလည်ပတ်မှုကောင်းမွန်လာစေရန်နှင့် ကိုယ်ခန္ဓာလန်းဆန်းတက်ကြွစေရန် ရည်ရွယ်၍ ဖွင့်လှစ်ပေးခြင်းဖြစ်ကြောင်း  မြို့နယ်အားကစားနှင့် ကာယပညာဦးစီးဌာနမှ  မြို့နယ်ဦးစီးမှူး ဒေါ်မာမာလင်းက  ပြောကြားသည်။

အဆိုပါ သင်တန်းတွင် မြို့နယ်(အား/ကာ) ဦးစီးမှူး ဒေါ်မာမာလင်းဦးဆောင်၍ နည်းပြ ဆရာမ (၂)ယောက်က သင်ကြားပေးပြီး သင်တန်းသား သင်တန်းသူ (၂၀)  တက်ရောက်သင်ကြားလျက်ရှိကြောင်း သိရသည်။

ပြည့်ဖြိုးကျော်(ပန်းတနော်)