မောင်တော  ၂၀  ဩဂုတ်

ရခိုင်ပြည်နယ်၊ မောင်တောမြို့၌ ကိုဗစ်-၁၉ ရောဂါ ကာကွယ်၊ထိန်းချုပ်နိုင်​ရေး ကျန်းမာရေးနှင့်အားကစားဝန်ကြီး ဌာနမှ ထုတ်ပြန်ထားသော အများပြည်သူသိရှိလိုက်နာရမည့် လမ်းညွှန်ချက်များကို အသံချဲ့စက်ဖြင့်  လှည့်လည် ကြေညာခြင်းကို ဩဂုတ် ၂၀  ရက်က  မြို့ပေါ် ရပ်ကွက်များတွင် လုပ်ဆောင်ခဲ့​ကြောင်းသိရသည်။

အဆိုပါ ကိုဗစ်-၁၉​ရောဂါကူးစက်ပြန့်ပွားမှုမရှိ​စေ​ရေး၊ ကာကွယ်ထိန်းချုပ်နိုင်​ရေးတို့အတွက် ပြည်သူများ ကျယ်ကျယ်ပြန့်ပြန့် သိရှိလိုက်နာဆောင်ရွက်ရမည့် ညွှန်ကြားချက်များကို ပြန်ကြားရေးနှင့် ပြည်သူ့ဆက်ဆံရေး ဦးစီးဌာနမှ ဝန်ထမ်းများနှင့် ပြည်သူ့ကျန်းမာရေးဦးစီးဌာနမှ ဝန်ထမ်းများ ပူးပေါင်းကာ မြို့ ပေါ်ရပ်ကွက်များအတွင်း လိုက်လံကြေညာခဲ့ကြကြောင်း သိရသည်။

သက်လွင်စိုး ခရိုင်(ပြန်/ဆက်)