ကလေးဝ ၂၃ ဩဂုတ်
စစ်ကိုင်းတိုင်းဒေသကြီး ကလေးဝမြို့တွင် လက်ဖက်ရည်ဆိုင်များအား ဆိုင်ထိုင်စနစ်ဖြင့် ကျန်းမာရေးနှင့် အားကစားဝန်ကြီးဌာန၏ ကိုဗစ်-၁၉ ရောဂါ ကာကွယ်ထိန်းချုပ်ရေး ညွှန်ကြားချက်နှင့်အညီ ရောင်းချခြင်း ရှိ/မရှိကို ယမန်နေ့ ညနေ ၄ နာရီက ရှောင်တခင်စစ်ဆေးခဲ့သည်။
အဆိုပါ လက်ဖက်ရည်ဆိုင်များအား ကျန်းမာရေးနှင့်အားကစားဝန်ကြီးဌာန၏ ညွှန်ကြားချက်နှင့်အညီ မြို့နယ်ကျန်းမာရေးဦးစီးဌာနမှ တာဝန်ရှိသူများ၊ မြို့နယ်စည်ပင်သာယာရေးအဖွဲ့နှင့် သက်ဆိုင်ရာ တာဝန်ရှိသူများက ယင်းဆိုင်များတွင် စားပွဲခုံအား မှန် သို့မဟုတ် ပလတ်စတစ်တို့ဖြင့် နှစ်ပိုင်းခြား ကာထားပြီး လက်ဆေးရန် ဘေစင်၊ အပူချိန်တိုင်း သာမိုမီတာနှင့် Mask မပါလာသူများကို Mask များရောင်းချပေးမည့် အစီစဉ်များထားရှိပြီး အစားအသောက်များကိုင်မည့် သူကိုလည်း လက်အိတ်စသည်တို့ဖြင့် ကိုင်တွယ်ရောင်းချရန် မြို့နယ်စစ်ဆေးရေးအဖွဲ့က ရှောင်တခင် စစ်ဆေးခဲ့သည်။
ထိုသို့စစ်ဆေးရာတွင် သတ်မှတ်ထားသော ညွှန်ကြားချက်များနှင့်အညီ လိုက်နာဆောင်ရွက်ခြင်းမရှိသည့် လက်ဖက်ရည်ဆိုင်များအား ပထမအကြိမ်တွင် သတိပေးခြင်း၊ ဒုတိယအကြိမ်တွင် ဒဏ်ငွေချမှတ်ခြင်း၊ တတိယအကြိမ်တွင် မလိုက်နာပါက ကာလအကန့်သတ်တစ်ခုအထိ ဆိုင်ပိတ်သိမ်းသွားမည်ဖြစ်ကြောင်း သိရသည်။
သက်ဟန်(ကလေးဝ)
