ရန်ကုန် ၂၀ ဩဂုတ်
ရန်ကုန်မြောက်ပိုင်းခရိုင်၊ အင်းစိန်မြို့နယ်ရှိ အမေ့အိမ် အသက်မွေးမှုပညာ(အခမဲ့) သင်တန်းကျောင်းမှ အင်္ဂလိပ်စာ ကျွမ်းကျင်မှုသင်တန်း(4 Skills)နှင့် အခြေခံ စက်ချုပ်မှုပညာ သင်တန်းတို့ကို စက်တင်ဘာ ၁ ရက်နေ့တွင် အင်းစိန်မြို့နယ်၊ ဖော့ကန်ရပ်ကွက်၊ သာသနာ့ဗိမာန် ဇောတိကာရုံ ကျောင်းတိုက်တွင် ဖွင့်လှစ်သွားမည်ဟု သိရသည်။
မိမိ၏အရည်အသွေးကို မြှင့်တင်လိုသူ၊ တက္ကသိုလ်ဝင်တန်း အောင်ပြီးသူများအတွက် ရည်ရွယ်ပြီး အမေ့အိမ် အသက်မွေးမှုပညာ (အခမဲ့)သင်တန်းကျောင်း၌ ပို့ချမည်ဖြစ်သည်။ သင်တန်းသား ၁၅ ဦးသာ လက်ခံ၍ တစ်ပတ်လျှင် ဗုဒ္ဓဟူး၊ ကြာသပတေး၊ သောကြာနေ့များတွင် နေ့လယ် ၁ နာရီမှ ညနေ ၄ နာရီအချိန်အထိ ဖြစ်သည်။
အခြေခံ စက်ချုပ်မှု ပညာနှင့် ဒီဇိုင်နာ သင်တန်းများကို အင်းစိန် ဖော့ကန်ဈေးမှတ်တိုင် မင်္ဂလာ သူရလမ်းသွယ်၊ သာသနာ့ဗိမာန် ဇောတိကာရုံကျောင်းတိုက်တွင် တနင်္ဂလာ၊ အင်္ဂါနေ့များတွင် နံနက် ၁၀ နာရီ နေ့လယ် ၁ နာရီအချိန်အထိ သင်တန်းတက်လိုသူများ သင်တန်းအပ်နိုင်ပြီး ဖုန်းနံပါတ် ၀၉၂၅၀၀၂၈၆၇၇ တို့ကို ဆက်သွယ်မေးမြန်းနိုင်ကြောင်း သိရသည်။
မျိုးသန့်(ပြန်/ဆက်)
