ကော့မှူး ၁၁ ဇွန်
ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ဒေါ်ခင်ကြည်ဖောင်ဒေးရှင်း ရွေ့လျား စာကြည့်တိုက်တို့ ပူးပေါင်းကျင်းပသော အပြည်ပြည်ဆိုင်ရာ မူးယစ်ဆေးဝါးနှင့် တရားမဝင် ရောင်းဝယ်တိုက်ဖျက်ရေးနေ့ အထိမ်းအမှတ်အကြို နံရံကပ်စာစောင်၊ ဓာတ်ပုံပြပွဲနှင့် ဟောပြောပွဲကို ယနေ့ မွန်းလွဲ ၂ နာရီက လူထုအခြေပြုဗဟိုဌာန( Commuinty Centre) ခန်းမ၌ ကျင်းပခဲ့သည်။
ဟောပြောပွဲတွင် ကော့မှူးမြို့နယ် ရဲတပ်ဖွဲ့မှူး ယာယီရဲမှူးဝင်းလှိုင်က ရဲတပ်ဖွဲ့အနေဖြင့် ပြည်သူများအတွင်း မူးယစ်ဆေးဝါးရောင်းချခြင်း၊ သုံးစွဲခြင်းမရှိစေရေးအတွက် အလေးထားဆောင်ရွက်လျက်ရှိကြောင်း၊ မူးယစ်ဆေးဝါးသုံးစွဲခြင်းကြောင့် ဖြစ်ပေါ်လာစေနိုင်သော လူမှုရေး၊ စီးပွားရေး ထိခိုက်မှုများ၊ ကျန်းမာရေးဆိုင်ရာ ဆိုးကျိုးများ၊ မူးယစ်ဆေးဝါးသုံးစွဲခြင်းဆိုင်ရာ ပြစ်မှုပြစ်ဒဏ်များအား ကျောင်းသား၊ ကျောင်းသူများအား ရှင်းလင်း ပြောကြားခဲ့သည်။
ကျော်သူရ (ပြန်/ဆက်)
