စလင်း ၂၃ ဇူလိုင်
မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်တွင် ဧရာဝတီမြစ်ရေ မြင့်တက်လာမှုကြောင့် မြစ်ကမ်းဘေးရှိ ဇီးဖြူပင်ကျေးရွာအုပ်စု ကျွန်းကလေးကျေးရွာ အ.မ.က၊ ကြူတောကျေးရွာ အ.မ.က(လွန်)၊ ရေကြည်ကျေးရွာအုပ်စု ပေါက်ကုန်း ကျေးရွာ အ.မ.က၊ ဆင်မကျွန်းကျေးရွာအုပ်စု အချင်းပြစ်တောင်ရွာ အ.မ.ကကျောင်း (၄) ကျောင်းအား ဇူလိုင် ၂၂ ရက်မှ စတင်၍ ယာယီပိတ်ထားရကြောင်း မြို့နယ်ပညာရေးမှူးရုံးမှသိရသည်။
အဆိုပါကျောင်းများတွင် ကျောင်းသား ကျောင်းသူ စုစုပေါင်း ၃၃၈ ဦး၊ ဆရာ၊ ဆရာမ ၂၀ ဦးဖြင့် ပညာသင်ကြားလျှက်ရှိပြီး မြစ်ရေမှာ နှစ်ပေမှ နှစ်ပေခွဲထိ ဝင်ရောက်လျှက်ရှိသဖြင့် ကျောင်းသားကျောင်းသူများ ဘေးကင်းလုံခြုံစေရန်အတွက် ယာယီပိတ်ထားခြင်း ဖြစ်ကြောင်းနှင့် မြစ်ရေကျဆင်းမှုအပေါ်မှုတည်၍ ကျောင်းဖွင့်ရက်တွင် ပြန်လည်အစားထိုး ဖွင့်လှစ်သွားမည်ဖြစ်ကြောင်း မြို့နယ်ပညာရေးမှူးရုံးထံမှ သိရသည်။
စိုးမိုးသူ(စလင်း)
