ဒီးမော့ဆို ၂၆ သြဂုတ်
ကယားပြည်နယ် ငါးလုပ်ငန်းဦးစီးဌာနမှ ပြည်နယ်အတွင်းရှိ ဆည်/ ကန်/ ချောင်း/ မြောင်းများတွင် ငါးသံယဇာတများ တိုးပွားလာစေရန်အတွက် ငါးမျိုးများ စိုက်ထည့်ပေးလျက်ရှိရာ ယနေ့နံနက် ၁၀ နာရီက ဒီးမော့ဆိုမြို့နယ် ငွေတောင်ရေထိန်းတမံ(ငူးပလော့ဆည်)တွင် ငါးကောင်ရေ ၂၀ဝ၀ဝ ကို ငါးမျိုးစိုက်ထည့်ခဲ့ကြောင်း သိရသည်။
ငါးမျိုးများ စိုက်ထည့်ရာတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်နယ်ဝန်ကြီး ဦးဘော့စ်ကို၊ ပြည်နယ်ငါးလုပ်ငန်းဦးစီးဌာန ဒုတိယညွှန်ကြားရေးမှူး ဒေါ်မေသန္တာဝင့်၊ ပြည်နယ်မွေးမြူရေး နှင့် ကုသရေးဦးစီးဌာနမှူး ဒေါက်တာသန်းအေး၊ မြို့နယ်အုပ်ချုပ်ရေးမှူး ဦးဉာဏ်လှိုင်နှင့် ဌာနဆိုင်ရာများ၊ ဒေသခံပြည်သူများက ငါးကြင်းရွှေဝါ၊ ငါးခုံမကြီးနှင့် ငါးမြစ်ချင်း စသော ငါးကောင်ရေ ၂၀ဝ၀ဝ ကို ငွေတောင်ရေထိန်းတမံအတွင်း ငါးမျိုး စိုက်ထည့်ကြကြောင်း သိရသည်။
ရီရယ်(ဒီးမော့ဆို)
