ကျောက်တန်း ဇွန် ၁၄
ရန်ကုန်တိုင်းဒေသကြီး ကျောက်တန်းမြို့နယ် ဝဲကြီး ကျေးရွာအုပ်စု ကွင်းပေါက်ကျေးရွာ မြစိမ်းရောင် (ငါးကဏ္ဍ) အတိုးရငွေဖြင့် ကျေးရွာအတွင်း မင်္ဂလာ လမ်းမပေါ်ရှိ အနာဂတ်သစ် စာကြည့်တိုက်ဟောင်း ပြန်လည်ပြုပြင်ခြင်း (၁၄ x ၂၄ x ၁၀) ပေ လုပ်ငန်းပြီးစီး၍ စာရွက်စာတမ်းများ လွှဲပြောင်းပေးအပ်ခြင်း အခမ်းအနားကို ဇွန် ၉ ရက်က အဆိုပါကျေးရွာ၌ ကျင်းပသည်။
အခမ်းအနားကို ကျောက်တန်း မြို့နယ် ငါးလုပ်ငန်းဦးစီးဌာန ဦးစီးအရာရှိ ဦးမြင့်နိုင်နှင့် ဝန်ထမ်းများ၊ ကျေးရွာအုပ်ချုပ်ရေးမှူးနှင့် မြစိမ်းရောင်(ငါးကဏ္ဍ) ကော်မတီ အဖွဲ့မှ တာဝန်ရှိသူများ တက်ရောက်ကြသည်။
အဆိုပါ အနာဂတ်သစ် စာကြည့်တိုက်ဟောင်း ပြန်လည်ပြုပြင်ခြင်းကို မြစိမ်းရောင် (ငါးကဏ္ဍ) အတိုးရငွေမှ ငွေကျပ် သိန်း ၅၀ ဖြင့် ပြန်လည်ပြုပြင်ဆောက်လုပ်ခဲ့ခြင်းဖြစ်ပြီး ကျေးရွာရှိ ကျောင်းသားလူငယ်များ အသိပညာဗဟုသုတရရှိစေရန် ရည်ရွယ်ပြုပြင်ခဲ့ခြင်းဖြစ်ကြောင်း သိရသည်။
သန့်ဇင်ထွန်း
