ကျိုက်ဒုံ ၁၆ ဇူလိုင်
ကရင်ပြည်နယ် ကော့ကရိတ်ခရိုင် ကျိုက်ဒုံမြို့တွင် ယနေ့နံနက် ၉ နာရီက စိုက်ပျိုးရေးဦးစီးဌာနမှ ဝက်ဒုံကျေးရွာ မိုးစပါးစိုက်ပျိုးတောင်သူ ဦးတင်ဝင်း လယ်ယာမြေ၌ သစ်စိမ်းမြေသြဇာကျွေးခြင်း ကွင်းလက်တွေ့သရုပ်ပြပွဲ ကျင်းပသည်။
ရှေ့ဦးစွာကျိုက်ဒုံမြို့ အုပ်ချုပ်ရေးမှူး ဦးမင်းဇော်က တောင်သူများကို နှားခေါင်းစည်းများ ဖြန့်ဝေ ဆောင်ရွက် ပေးခဲ့ပြီး ကော့ကရိတ်ခရိုင် စိုက်ပျိုးရေးဦးစီးဌာနမှ လက်ထောက်ညွှန်ကြားရေးမှူး နော်သူးလေထီး၊ ကျိုက်ဒုံမြို့ စိုက်ပျိုးရေးဦးစီးမှူး ဒေါ်လှမြင့်တို့က တောင်သူများကို လယ်ယာမြေများတွင် မြေဆီလွှာ ဖွံ့ဖြိုး တိုးတက်စေရေးအတွက် သစ်စိမ်းမြေသြဇာထည့်သွင်းပေးရခြင်းဖြစ်ကြောင်း၊ ယင်းသို့ ထည့်သွင်းရာတွင် ပိုက်ဆံလျှော်ပင်များကို ရက်(၄၀)သားခန့်၌ မြေမြှုပ်ပြီး မြေသြဇာကျွေးရခြင်းဖြစ်ကြောင်း၊ အပင်များရှင်သန် ဖွံ့ဖြိုးတိုးတက်ဖို့အတွက် မြေသြဇာများကိုအသုံးပြုကြကြောင်း၊ မြေသြဇာများတွင် ဓာတ်မြေသြဇာ၊ သဘာဝ မြေသြဇာ၊ သစ်စိမ်းမြေသြဇာ၊ ဇီဝမြေသြဇာ(၄)မျိုးရှိပါကြောင်း ဓာတ်မြေသြဇာအသုံးပြုပါက အချိန်ကြာ သည်နှင့် အမျှမြေဆီလွှာများ ထိခိုက်နိုင်ပါကြောင်း၊ထိုကြောင့် သစ်စိမ်းမြေသြဇာ များကိုအသုံးပြုကြရန်နှင့် တောင်သူများ အသုံးပြုတတ်အောင် အလေ့အကျင့်ကောင်းများ ရရှိလာစေရေးအတွက် ရည်ရွယ်၍ တောင်သူအသိပညာပေးခြင်းများကို လာရောက်၍ ဆောင်ရွက်ပေးရခြင်းဖြစ်ကြောင်း ရှင်းလင်း ပြောကြားခဲ့သည်။ အဆိုပါ သရုပ်ပြပွဲသို့ တောင်သူ ၄၀ တက်ရောက်ခဲ့ကြောင်း သိရသည်။
သန်းထွန်းနိုင်(ကျိုက်ဒုံ ပြန်/ဆက်)
