ကိုရိုနာဗိုင်းရပ်စ်ပိုးသည် ငွေစက္ကူပေါ်တွင် နာရီပိုင်းသာ အသက်ရှင်နိုင်မှုကြောင့် ကိုင်တွယ်မိခဲ့လျှင် လက်သေချာ ဆေးခြင်းဖြင့် ကူးစက်မှုကို ကာကွယ်နိုင်ကြောင်း သိရှိရ

ရန်ကုန် ၂၂ စက်တင်ဘာ

ကိုရိုနာဗိုင်းရပ်စ်ပိုးသည် ငွေစက္ကူပေါ်တွင် (၃)နာရီခန့်ကြာလျှင် ပိုးတစ်ဝက်ခန့်သေဆုံးနိုင်ပြီး (၂၄)နာရီကြာလျှင် ပိုးအားလုံး သေဆုံးနိုင်ကြောင်းနှင့် ဈေးဝယ်ကတ်တွင် (၇၂)နာရီ ကြာအောင် အသက်ရှင်နေနိုင်ကြောင်း နောက်ဆုံးတွေ့ရှိချက်အရ သိရှိရသည်။

လက်ရှိတွင် ငွေစက္ကူမှတစ်ဆင့် ရောဂါပိုးကူးစက်သည်ဟူသော အကြောင်းအရာ မရှိသော်လည်း ကိုင်တွယ်ပြီးသောအခါတိုင်း မျက်စိ၊ နား၊ နှာခေါင်းစသော မျက်နှာ၏ T Zone နေရာများကို မထိတွေ့မိစေရန်နှင့် လက်ကို စင်ကြယ်စွာ ဆေးကြောခြင်းဖြင့် ကူးစက်မှုကို ကာကွယ်နိုင်ကြောင်း ဆေးတက္ကသိုလ် (၁)ရန်ကုန်၊ ဆေးပညာဌာနမှ ဂုဏ်ထူးဆောင်ပါမောက္ခ ဒေါက်တာညွန့်သိန်းမှ သတိပေးပြောကြားထားကြောင်း သိရသည်။

#MRTV