မုဒုံ ၇ ဇွန်
ပတ်ဝန်းကျင်စိမ်းလန်းစိုပြေလှပရေး၊ မြေဆီလွှာထိန်းသိမ်းရေးနှင့် ရာသီဥတုမျှတရေးတို့အတွက် ရည်ရွယ်၍ မုဒုံမြို့နယ် ကြက်ခြေနီအသင်းခွဲမှ ဦးဆောင်ကာ မြို့မ(၄)ရပ်ကွက်၊ ကန်ကြီးရပ်ရှိ ကန်ကြီးရေကန်၏ ကန်ဘောင်ပတ်လည်၌ စုပေါင်းသစ်ပင်စိုက်ပျိုးပွဲကို ဇွန် ၆ ရက်နေ့၊ နံနက် ၇ နာရီက ပြုလုပ်သည်။
အဆိုပါသစ်ပင်စိုက်ပျိုးပွဲသို့ မုဒုံမြို့နယ် ကြက်ခြေနီအသင်းခွဲဥက္ကဋ္ဌ ဦးပေါ်ထွန်း အတွင်းရေးမှူး ဒေါက်တာကျော်စိုးမိုးနှင့် အဖွဲ့ဝင်များ၊ ရပ်ကွက်နေပြည်သူများအပါအဝင် စုစုပေါင်း (၃၅) ဦးခန့် တက်ရောက်ကြသည်။
သစ်ပင်စိုက်ပျိုးပွဲတွင် ကျွန်း၊ ပျဉ်ကတိုး၊ မလေးရှားမန်ဂျန်ရှား၊ မဟော်ဂနီနှင့် မလေးရှားပိတောက် စသည့်အမျိုးအစားများပါဝင်သော နှစ်ရှည်အရိပ်ရအပင်မျိုးစုံ (၁၅၀)ပင်ခန့်အား စိုက်ပျိုးခဲ့ကြကြောင်း မြို့နယ်ပြန်/ဆက်မှ သိရသည်။
MDN
