ဖာပွန် ၁၅ သြဂုတ်
ကရင်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါ်နန်းခင်ထွေးမြင့်သည် ပြည်နယ်ဝန်ကြီးများနှင့် အတူ ဌာနဆိုင်ရာ တာဝန်ရှိသူများနှင့်အတူ ယမန်နေ့က ဖာပွန်ခရိုင်အတွင်း ပုံမှန်၀င်ငွေမရှိသော အိမ်ထောင်စု (၂၅၇၈) ဦးအတွက် ထောက်ပံ့ငွေကျပ် ၂၀၀၀၀ စီ ပေးအပ်ပြီး ဒေသဖွံ့ဖြိုးရေးလုပ်ငန်းများ ကွင်းဆင်းကြည့်ရှုစစ်ဆေးခဲ့ကြောင်း သိရှိရသည်။
ရှေးဦးစွာ ပြည်နယ်ဝန်ကြီးချုပ်နှင့်အဖွဲ့သည် ဖာပွန်ခရိုင်၊ ကမမောင်းမြို့၊ အထက ကတိုင်တိကျောင်းမှ တာဝန်ရှိသူများနှင့် တွေ့ဆုံပြီး ကျောင်းအတွက် ကွန်ပျူတာ၊ ပရင်တာ၊ မီးစက်(၁)စုံ၊ အားကစားပစ္စည်းများနှင့် လက်သန့်ဆေးရည်များ ထောက်ပံ့ပေးအပ်ခဲ့ရာ တာဝန်ရှိသူများက လက်ခံရယူခဲ့သည်။
ဆက်လက်၍ ပြည်နယ်ဝန်ကြီးချုပ်နှင့်အဖွဲ့သည် ဖာပွန်ခရိုင် အထွေထွေအုပ်ချုပ်ရေးဦးစီးဌာန၊ စုပေါင်းရုံး ယွန်းစလင်းခန်းမတွင် ပုံမှန်ဝင်ငွေမရှိသော အိမ်ထောင်စု(၆၅၂)ဦးအတွက် ငွေကျပ် ၂၀၀၀၀ စီ နှင့် ဖာပွန်မြို့အတွက် အားကစားပစ္စည်း (Outdoor Fitness) ထောက်ပံ့ပေးအပ်ခဲ့သည်။
ထို့နောက် ပြည်နယ်ဝန်ကြီးချုပ်နှင့်အဖွဲ့သည် အ-ထ-က ဖာပွန်သို့သွားရောက်၍ တာဝန်ရှိသူများနှင့်တွေ့ဆုံကာ ကျောင်းအတွက် ကွန်ပျူတာ၊ ပရင်တာ၊ မီးစက်(၁) စုံနှင့် အားကစားပစ္စည်းများ ထောက်ပံ့ပေးအပ်ခဲ့ပြီး စာသင်ခန်းအတွင်း စာသင်ကြားနေမှုအခြေအနေများအား လှည့်လည်ကြည့်ရှုစစ်ဆေးကာ အမှတ်(၁)ရပ်ကွက်ရှိ မြစ်ကမ်းထိန်းနံရံ ဆောင်ရွက်ထားရှိမှုအခြေအနေ၊ ယွန်းစလင်းမြစ် ရေစီးရေလာကောင်းမွန်စေရေးအတွက် ဆောင်ရွက်ထားမှုအခြေအနေများကို ကြည့်ရှုစစ်ဆေးခဲ့သည်။
အလားတူ ပြည်နယ်ဝန်ကြီးချုပ်နှင့်အဖွဲ့သည် ဖာပွန်ခရိုင်၊ ကမမောင်းမြို့ကိုးနဝင်း ဘုန်းတော်ကြီးကျောင်းတွင် ပုံမှန်ဝင်ငွေမရှိသော အိမ်ထောင်စု(၁၉၂၆)ဦးအတွက် ငွေကျပ် (၂၀၀၀၀)စီနှင့် ကမမောင်းမြို့အတွက် အားကစားပစ္စည်း (Outdoor Fitness) ထောက်ပံ့ပေးအပ်ပြီး ကိုးနဝင်းကျောင်းဆရာတော်အား ဖူးမြော်ကြည်ညိုကာ ကိုးနဝင်းကျောင်းရှ ိကျောင်းသား/သူ (၁၉၆) ဦးအတွက် ကျောင်းဝတ်စုံ(၂၀၀)စုံနှင့် ဗလာစာအုပ်ဒါဇင် ၂၀၀ တို့ကို ဆရာတော်ထံ ဆက်ကပ်လှူဒါန်းပြီးကျောင်းသား/ သူများကို အားပေးစကားပြောကြား၍ အားကစားပစ္စည်းများ ထောက်ပံပေးအပ်ခဲ့ကြောင်း သိရသည်။
ခရိုင်ပြန်/ဆက်
