လိပ်သို ၁၆ ဇူလိုင်
ကရင်ပြည်နယ်၊ သံတောင်ကြီးမြို့နယ် လိပ်သိုမြို့တွင် ဒူးရင်းသီးများပေါ်ချိန် မိသားစုအပိုဝင်ငွေများ ရရှိလျက်ရှိကြောင်း သိရသည်။
လိပ်သိုမြို့ဒေသတွင် ဒူးရင်းသီးများကို ဘိုကလေး၊ မြသာကုန်း၊ ကျမိုင်း၊ မြထင်နှင့် အခြားသော ကျေးရွာများတွင် ဒူးရင်းသီးများ ထွက်ရှိပြီး စျေးကွက်သို့ တင်ပို့ရောင်းချရာမှာ အသီးအရွယ်အစားအလိုက် ကျပ် ၁၅၀၀ မှ ၆၀၀၀ အထိ ရောင်းချရသောကြောင့် မိသားစုအပိုဝင်ငွေ ရရှိလျက်ရှိကြောင်း တစ်ပိုင်တစ်နိုင် ဒူးရင်းသီး စိုက်ပျိုးရောင်းချသူ ဦးစိုးပိုင်ထံမှ သိရသည်။
လိပ်သိုဒေသထွက် ဒူးရင်းသီးများသည် သဘာဝအတိုင်း စိုက်ပျိုးထားသဖြင့် အန္တရာယ်ကင်းပြီး အနံ့အရသာနှင့် ပြည့်စုံကောင်းမွန်ခြင်းကြောင့် ဒူးရင်းသီးစားသုံးသူ ပိုမိုများပြားလာကာ ယခုရက်ပိုင်းတွင် ဒူးရင်းသီးရောင်းချသူများ အဆင်ပြေနေကြကြောင်း သိရသည်။
နွယ်နွယ်ခိုင်(ပြန်/ဆက်)
