မိုင်းဖြတ် ၊ ​မတ် ၅

ရှမ်းပြည်နယ်(အ​ရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် ​ဒေသခံ​တောင်သူများ၏ လယ်ယာ​မြေများ ​ရေလွှမ်းမိုးမှုမှ ကာကွယ်ရန်အတွက် နမ့်မယ်ဟုတ်​ချောင်း လက်ဝဲဘက်ရှိ ချောင်း​ဘောင်ကျိုး​ပေါက်မှု ပြုပြင်ခြင်းလုပ်ငန်း အပိုင်း(၁)ကို ဆောင်ရွက်လျက်ရှိ​​ရာ အဆိုပါလုပ်ငန်း ဆောင်ရွက်ပြီးစီး​တော့မည်ဖြစ်​ကြောင်း မြို့နယ်ဆည်​မြောင်းနှင့်​ရေအသုံးချမှုစီမံခန့်ခွဲ​ရေးဦးစီးဌာနမှ သိရသည်။

     ချောင်း​ဘောင်ပြုပြင်ခြင်းလုပ်ငန်းကို ပြည်နယ်အစိုးရ အ​ထွေထွေပိုလျှံရန်ပုံ​ငွေ (၅၈.၈၅၀) ကျပ်သန်းဖြင့် မြို့နယ်ဆည်​မြောင်းနှင့်​ရေအသုံးချမှုစီမံခန့်ခွဲ​ရေးဦးစီးဌာနမှ ဦးစီးအရာရှိ (မြို့ပြ)ဦးဇော်မင်းဦး၊ ကြီးကြပ်အင်ဂျင်နီယာ ဒုတိယဦးစီးမှူး (မြို့ပြ) ဦးကောင်းမြတ်​​ဇော်တို့က ကြီးကြပ်​ဆောင်ရွက်လျက်ရှိပြီး အလျား ပေ ၁၀၀၀​၊ ​အောက်​ခြေအကျယ် ပေ ၆၀​၊ အနက် ၆​ပေ အတိုင်းအတာရှိ လုပ်ငန်းအမျိုးအစားဖြစ်​ကြောင်း သိရသည်။

    ၂၀၂၄ခုနှစ်၊ စက်တင်ဘာလတွင် တိုက်ခတ်ခဲ့သော မိုခါမုန်တိုင်းကြောင့် မြို့နယ်အတွင်း မိုးအဆက် မပြတ်ရွာသွန်းခဲ့ပြီး ​ရေကြီး​ရေလျှံမှုများဖြစ်​ပေါ်ကာ နမ့်မယ်ဟုတ်​ချောင်း တာ​ဘောင်ကျိုး​ပေါက်၍  လယ်ယာ​မြေအချို့ ​​ရေများဖုံးလွှမ်းမှုများဖြစ်​ပေါ်ခဲ့ခြင်းဖြစ်သည်။ ယခုအခါ လုပ်ငန်းများ ​ဆောင်ရွက်ပြီးစီး​တော့မည်ဖြစ်၍  ​ရေလွှမ်းမိုးမှု​​ဘေးမှ ကာကွယ်နိုင်မည်ဖြစ်​ကြောင်း သိရသည်။

​ရွှေကို(မိုင်းဖြတ်)