မိုင်းဖြတ် ၃၀ သြဂုတ်
ရှမ်းပြည်နယ်(အရှေ့ပိုင်း) မိုင်းဖြတ်မြို့နယ်တွင် ၂၀၂၀ ပြည့်နှစ်၊ အထွေထွေရွေးကောက်ပွဲကို နိုဝင်ဘာလ ၈ ရက်နေ့တွင် ကျင်းပပြုလုပ်သွားမည်ဖြစ်ရာ သြဂုတ် ၃၀ ရက်နေ့ နံနက် ၉ နာရီက မိုင်းဖြတ်မြို့နယ်တွင် ဝင်ရောက်ယှဉ်ပြိုင်ကြမည့် ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး လွှတ်တော်(သို့မဟုတ်) ပြည်နယ်လွှတ်တော်၊ တိုင်းရင်းသားလွှတ်တော်ကိုယ်စားလှယ် အမည်များစာရင်းကို ထုတ်ပြန်ကြေညာခဲ့သည်။
ထိုသို့ ထုတ်ပြန်ကြေညာရာတွင် အများပြည်သူများ သိရှိနိုင်စေရေးအတွက် မြို့နယ်ရွေးကောက်ပွဲ ကော်မရှင်ရုံး၊ မြို့နယ် အထွေထွေအုပ်ချုပ်ရေး ဦးစီးဌာနရုံးရှိ ကြော်ညာသင်ပုန်း၊ မြိုနယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနရှိ မြေစိုက်ပြဘုတ်၊ သက်ဆိုင်ရာရပ်ကွက် သုံးရပ်ကွက်နှင့် ကျေးရွာအုပ်စု (၂၄)အုပ်စုရှိ အုပ်ချုပ်ရေးမှူးရုံးများ၌ ထုတ်ပြန်ကြေညာထားပြီ ဖြစ်ကြောင်း မြိုနယ်ရွေးကောက်ပွဲ ကော်မရှင်ရုံးမှ ဦးစီးအရာရှိ ဦးအောင်မြတ်မိုးထံမှ သိရသည်။
သန်းထွန်းအေး(ပြန်/ဆက်)
