ရေလိုအပ်မှုနည်းသည့် ပျိုးထောင်နည်းများဖြင့် ဂန့်ဂေါတွင် မိုးစပါး ပျိုးထောင်

ဂန့်ဂေါ ၂၄ ဇူလိုင်

ရာသီဥတုပြောင်းလဲလာသဖြင့် ဂန့်ဂေါမြို့နယ်တွင် မိုးရွာသွန်းမှု လျော့နည်းနေရာ ရေလိုအပ်မှု နည်းသည့် ပျိုးထောင်နည်းစနစ်များဖြင့် မိုးစပါးပျိုးထောင်ခြင်းကို ဂန့်ဂေါမြို့နယ်အတွင်း တောင်သူများက မြို့နယ်စိုက်ပျိုးရေးဦးစီးဌာန၏ နည်းပညာပေးမှုဖြင့် ဆောင်ရွက်နေကြကြောင်း သိရသည်။

ထိုသို့ဆောင်ရွက်လျက်ရှိရာတွင် “စနစ်သစ်ပျိုးထောင်နည်းများဖြစ်တဲ့ SRI စနစ်၊ သိပ္ပံနည်းကျ ပေါင်ပျိုးစနစ်၊ ဒတ်ပေါ့ပေါင်ပျိုးစနစ်၊ စကာပိုက်အသုံးပြုသည့် ပေါင်ပျိုးစနစ်များနဲ့ ပျိုးထောင်နိုင်ဖို့ ဝန်ထမ်းများက တောင်သူများနဲ့ တွေ့ဆုံကာ နည်းပညာပေး ဆွေးနွေးပြီး ပျိုးထောင် တဲ့အခါမှာလည်း ကူညီပျိုးထောင်ပေးကြပါတယ်” ဟု မြို့နယ်စိုက်ပျိုးရေးဦးစီးဌာနမှ ဝန်ထမ်းတစ်ဦး က ပြောသည်။

ရေလိုအပ်မှုနည်းသည့် မိုးစပါးပျိုးထောင်နည်းများဖြင့် ရွှေဘိုကျေးရွာ၊ တောင်ခင်ရန်းကျေးရွာ၊ နှမ်းခါးကျေးရွာနှင့် ဝက်ချီပါကျေးရွာတို့တွင် ပျိုးထောင်ထားရှိကြကြောင်းနှင့် ယခုနှစ် မိုးရာသီတွင် ဂန့်ဂေါမြို့နယ်၌ မိုးစပါးစုစုပေါင်း ၃၇၂၇၉ ဧက စိုက်ပျိုးရန် လျာထားကြောင်း ခရိုင်ပြန်/ဆက်မှ သိရသည်။

MDN