ရပ်​စောက်  ဧပြီ ၉

ရှမ်းပြည်နယ်​​​တောင်ပိုင်း၊ ရပ်​စောက်မြို့နယ်အတွင်းရှိ အသက်(၁၈)နှစ်အထက် ဒေသခံပြည်သူများနှင့် ခရီးသွား ပြည်သူများအား ကိုဗစ်-၁၉ ရောဂါကာကွယ်ဆေး ထိုးနှံပေးခြင်းကို ရပ်ကွက်/​ကျေးရွာများအရောက် ကွင်းဆင်းထိုးနှံခြင်းနှင့် မြို့အဝင်ဂိတ်များ၌  ထိုးနှံပေးခြင်းတို့ကို ယနေ့ နံနက် ၉ နာရီက ​ဆောင်ရွက်​ပေးလျက်ရှိ​ကြောင်း သိရသည်။

ထိုသို့ဆောင်ရွက်ရာတွင် မြို့နယ်အတွင်း အ​ကြောင်းအမျိုးမျိုးကြောင့် ကာကွယ်​ဆေးထိုးရန် ကျန်ရှိ​နေ​သေးသည့် အသက် ၁၈ နှစ်အထက် ပြည်သူများအား ​ဆေးထိုးစုရပ်များဖြစ်သည့် ယမ်းတွင်းငါး​ကြောင်​ကျေးရွာအုပ်စု၊  ကောင်းဘို့​ကျေးရွာအုပ်စု၊ ​ဖောင်း​တော​ကျေးရွာအုပ်စု၊ အလည်​ချောင်​ကျေးရွာအုပ်စု၊ ပါမဲ​ကျေးရွာအုပ်စုနှင့် ဆတ်သေ/ပါမဲ​ကျေးရွာတို့တွင် ကွင်းဆင်းထိုးနှံ​ပေးလျက်ရှိပြီး ဗထူးစစ်​ဆေး​ရေးဂိတ်၊ ​နောင်ဘိုစစ်​ဆေး​ရေးဂိတ်နှင့် ​ဇော်ဂျီရပ်ကွက်အတွင်းရှိ ​ရေကြည်​ချောင်းအနီးတွင် ဖြတ်သန်းသွားလာကြသည့် အသက် (၁၈)နှစ်အထက် ပြည်သူများအား ကိုဗစ်-၁၉ ​ရောဂါ ကာကွယ်​ဆေးထိုးနှံပြီးစီး​ကြောင်း အ​ထောက်အထားများ မေးမြန်းစစ်​ဆေး၍ ကာကွယ်​ဆေးမထိုးနှံရ​သေးသူများအား ကျန်းမာ​ရေးဝန်ထမ်းများက ကိုဗစ်-၁၉​ရောဂါ ကာကွယ်​ဆေးကို ကျန်းမာ​ရေးဝန်ကြီးဌာနမှ ထုတ်ပြန်ထားသည့် လမ်းညွှန်ချက်များနှင့်အညီ ထိုးနှံ​ပေးခဲ့ ကြကြောင်း သိရသည်။

ရပ်​​စောက်မြို့နယ်တွင် ကိုဗစ်-၁၉​ရောဂါကာကွယ်​ဆေး ရာနှုန်းပြည့်ထိုးနှံပေးနိုင်ရေးအတွက် သက်ဆိုင်ရာ တာဝန်ရှိသူများ ပူးပေါင်းကာ ဆေးထိုးစုရပ်များအပြင် မြို့အဝင်ကျန်းမာရေးစစ်ဆေးဂိတ် ဖွင့်လှစ်၍ ထိုးနှံပေးခြင်း၊ နေအိမ်များအရောက် ကွင်းဆင်း၍ ထိုးနှံပေးခြင်းများကို အရှိန်ဟုန်မြှင့် ဆောင်ရွက်လျက်ရှိ ကြောင်း သိရသည်။

ရဲထက်ဦး(ပြန်/ဆက်)