နမ့်ခမ်း စက်တင်ဘာ ၁၄
ရှမ်းပြည်နယ် (မြောက်ပိုင်း)၊ မူဆယ်ခရိုင်၊ နမ့်ခမ်းမြို့ရှိ ခုတင် (၁၀၀) ပြည်သူ့ဆေးရုံ၌ သမီးကလေး (၃) မြွှာပူးကို စက်တင်ဘာ ၁၂ ရက်က ကျန်းမာစွာ ခွဲစိတ်မွေးဖွားနိုင်ခဲ့ကြောင်း သိရသည်။
နမ့်ခမ်းမြို့နယ်၊ အွယ်လောကျေးရွာအုပ်စု အွယ်လောကျေးရွာနေ ဒေါ်အမ်အေး (၃၇) နှစ်သည် စက်တင်ဘာ ၁၂ ရက် ည ၁၀ နာရီ ၂ မိနစ်တွင် (၄) ပေါင် (၂) အောင်စ ပထမသမီး၊ ၁၀ နာရီ ၃ မိနစ်တွင် (၃)ပေါင် (၈) အောင်စ ဒုတိယသမီးနှင့် ၁၀ နာရီ ၄ မိနစ်တွင် (၄) ပေါင် တတိယသမီးတို့ကို ကျန်းမာစွာ ခွဲစိတ်မွေးဖွားနိုင်ခဲ့သည်။
သမီးကလေး (၃) မြွှာပူးကို ခွဲစိတ်မွေးဖွားနိုင်ခဲ့သည့် ကလေးမိခင်အား နမ့်ခမ်းမြို့ မိခင်နှင့်ကလေး စောင့်ရှောက်ရေးအသင်းမှ တာဝန်ရှိသူများက ထောက်ပံ့ငွေ၊ ကြက်ဥ၊ ကွေကာထုပ်၊ နို့မှုန့်၊ ကလေးအသုံးအဆောင် ပစ္စည်းများနှင့် အာဟာရပစ္စည်းများကို သွားရောက်ထောက်ပံ့ပေးပြီး မိခင်နှင့် ကလေး (၃) ဦးစလုံး ကျန်းမာလျက်ရှိကြောင်း သိရသည်။
ဘဦး(နမ့်ခမ်း)
