ယနေ့ကျင်းပသည့် ကြားဖြတ်ရွေးကောက်ပွဲတွင် ရသေ့တောင်မြို့နယ် လစ်လပ် မဲဆန္ဒနယ် အမှတ် (၂)အတွက်   ရသေ့တောင်မြို့နယ်အတွင်းရှိ မဲဆန္ဒရှင်ပြည်သူများ လာရောက်ဆန္ဒမဲပေးကြသည်။

၂၀၁၈ ခုနှစ် ကြားဖြတ်ရွေးကောက်ပွဲကို ရန်ကုန်တိုင်းဒေသကြီး ဆိပ်ကမ်းမြို့နယ်၌ ယနေ့ နံနက်ပိုင်း တွင် မိသားစုရပ်ကွက်နှင့် ရဲရိပ်သာရပ်ကွက်တို့၌ ကျင်းပရာ အဆိုပါ ကြားဖြတ် ရွေးကောက်ပွဲသို့ မြန်မာနိုင်ငံဆိုင်ရာ အမေရိကန်သံအမတ်ကြီး လာရောက်ကြည့်ရှု အားပေးခဲ့ ကြောင်း သိရသည်။ 

၂၀၁၈ ခုနှစ်  ကြားဖြတ်ရွေးကောက်ပွဲ တွင် တောင်ငူခရိုင် အုတ်တွင်းမြို့နယ်ရှိ ရပ်ကွက်ကျေးရွာ အုပ်စု ၂၂  စု အတွက် မဲရုံပေါင်း ၇၂ ရုံဖွင့်လှစ်ထားရှိရာ ယနေ့ နံနက်ပိုင်းမှ စ၍ ပြည်သူများ လာရောက်ဆန္ဒမဲပေးကြသည်။

ရန်ကုန်တိုင်းဒေသကြီး ရန်ကုန်အနောက်ပိုင်းခရိုင် ဆိပ်ကမ်းမြို့နယ်၌ လစ်လပ် တိုင်းဒေသကြီးလွှတ်တော်မဲဆန္ဒနယ်အမှတ်(၂)အတွက် ရဲရိပ်သာရပ်ကွက် မဲရုံအမှတ်(၁)နှင့် ဆိပ်ကမ်းသာမိသာစုရိပ်သာရပ်ကွက်မဲရုံအမှတ်(၁)တို့တွင် ယနေ့နံ နက် ၆ နာရီကစတင်၍ မဲရုံအသီးသီးတို့တွင် ပြည်သူများ လာရောက်ဆန္ဒမဲပေးကြ သည်။

ကျောက်ဆည်မြို့နယ်တွင် လစ်လပ်လျှက်ရှိသော မန္တလေးတိုင်းဒေသကြီး တိုင်းဒေသကြီးလွှတ်တော် ရှမ်းတိုင်းရင်းသား ကိုယ်စားလှယ်ရွေးချယ်တင်မြှောက်နိုင်ရေးအတွက် မဲရွေးချယ်ပွဲကို ယနေ့ နံနက်ပိုင်းက စ ပြီးဆောင်ရွက်လျှက်ရှိရာ ဆန္ဒမဲများလာရောက်ပေးလျှက်ရှိကြောင်း သိရသည်။

ကချင်ပြည်နယ်အတွင်း ၂၀၁၈ ခုနှစ် ကြားဖြတ်ရွေးကောက်ပွဲအတွက် မြစ်ကြီးနားမြို့နယ် မဲဆန္ဒနယ် အမှတ်(၂)အမျိုးသားလွှတ်တော်ကိုယ်စားလှယ် လှစ်လပ်နေရာအတွက် ပြည်သူများ ဆန္ဒမဲ ပေးခြင်းကို ယနေ့ နံနက်ပိုင်းမှ စတင်၍ မြစ်ကြီးနားမြို့ပေါ်ရပ်ကွက်ရှိ မဲရုံများနှင့် ကျေးရွာအုပ်စုများရှိ မဲရုံများတွင် ဆန္ဒမဲပေး လျက်ရှိကြသည်။