ရန်ကုန် မြို့ရဲ့ ဖွံ့ဖြိုးတိုးတက်မှုဟာ နိုင်ငံတကာမှာရှိတဲ့ မြို့ကြီးတွေလို ဖြစ်ပေါ်လာစေဖို့ ဘက်ပေါင်းစုံကနေပြီး ကြိုးစားဆောင်ရွက်လျက်ရှိပါတယ်။ အနည်းဆုံး သုံးနှစ်၊ အများဆုံး ငါးနှစ် စီမံကိန်းတွေ ချမှတ်ပြီး ဖွံ့ဖြိုးရေးလုပ်ငန်းတွေ အကောင်အထည်ဖော်နေသလို နှစ်ရှည်စီမံကိန်းတွေနဲ့လည်း စီစဉ်ဆောင်ရွက်နေပါတယ်။ ဒီလို စီမံကိန်းတွေထဲမှာ ဒဂုံဆိပ်ကမ်းစမတ်စီးတီးလည်း ပါဝင်နေပြီး မကြာမီကာလအတွင်းမှာ အကောင်အထည်ဖော်နိုင်ရေး ကြိုးစားနေပြီဖြစ်ပါတယ်။