၂၀၁၈-၂၀၁၉ ပညာသင်နှစ် ရခိုင်ပြည်နယ် တက္ကသိုလ်/ဒီဂရီကောလိပ်ပေါင်းစုံ စစ်တွေဇုန်အဆင့် (အမျိုးသား/အမျိုးသမီး) ဘောလုံးပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနားကို ယနေ့ညနေပိုင်းတွင် စစ်တွေမြို့ ဓညဝတီဘောလုံးကွင်းတွင် ကျင်းပရာ ရခိုင်ပြည်နယ်ဝန်ကြီးချုပ် ဦးညီပု တက်ရောက်အားပေးသည်။

တိုင်းဒေသကြီး/ ပြည်နယ်များတွင် ရေဘေးအန္တရာယ်ခံစားရသည့် ပြည်သူများအတွက် ကျန်းမာရေးစောင့်ရှောက်မှု လုပ်ငန်းများနှင့်--------

မန္တလေးတိုင်းဒေသကြီး ညောင်ဦးခရိုင် ညောင်ဦးမြို့နယ်တွင် ယနေ့ မွန်းလွဲ ၁ နာရီ ၄၅ မိနစ်ခန့်မှ စတင်ရွာသွန်းခဲ့သည့်မိုးကြောင့် ညောင်ဦးမြို့မှ ပခုက္ကူ-မြင်းခြံလမ်းအထွက် ချောင်းမကြီးချောင်းရေကျနေပြီး ကားစီးရေ (၇၀ဝ)ကျော် ပိတ်မိနေကြောင်း သိရသည်။

တနင်္သာရီတိုင်းဒေသကြီး ထားဝယ်မြို့မှ ၅၀ မိုင်ကျော်အကွာ ထားဝယ်ခရိုင်၊ လောင်းလုံးမြို့နယ်ရှိ ရှင်ကိုးရှင် သမိုင်းဝင်ရှင်မော်ဘုရားတွင် မိုးသည်းထန်စွာရွာသွန်းမှုကြောင့် ယနေ့ နံနက် ၇ နာရီကျော်ခန့်မှ စတင်၍ တောင်နံရံမြေသား ပြိုကျမှုဖြစ်ပွားကြောင်း သိရှိရသည်။

ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်နှင့်အဖွဲ့သည် ယနေ့နံနက် ၈ နာရီခွဲတွင် မန္တလေးဘူတာကြီး အစည်းဝေးခန်းမ အရာထမ်း/အမှုထမ်းများနှင့် တွေ့ဆုံစဉ် မိမိတို့ဌာန တိုးတက်အောင်မြင်လာစေရန် ဇွဲလုံ့လဖြင့် ကြိုးစားကြရန်လိုအပ်ကြောင်း၊ ဝန်ထမ်းများ၏ အရည်အချင်း၊ ဆင်ခြင်တုံတရားတို့ တိုးတက်လာစေရန် ကြိုးစားနေထိုင်သွားကြရန် အရေးကြီးပါကြောင်း၊ ရထားလမ်းပိုင်းများ ဆောင်ရွက်ခြင်းလုပ်ငန်းသည် ဖြစ်သလိုလုပ်၍ မရပါကြောင်း၊ အချိန်ယူပြီး စနစ်တကျလုပ်ဆောင်ရမှာဖြစ်ပါကြောင်း၊ အချက်ပြစနစ်များမှာလည်း ပြောင်းလဲတပ်ဆင်သွားမည်ဖြစ်၍ မိမိတို့ဝန်ထမ်းများက ကျွမ်းကျင်စွာလုပ်ဆောင်နိုင်ရန် အရေးကြီးပါကြောင်း၊ ဝန်ထမ်းများညီညီညွတ်ညွတ် ကြိုးစားကြမှာသာ မိမိတို့ဌာန အောင်မြင်မည်ဖြစ်ပါကြောင်း မှာကြားသည်။

တနင်္သာရီတိုင်းဒေသကြီး၊ ထားဝယ်ခရိုင်၊ ကလိန်အောင်မြို့၊ ရေး-ထားဝယ်ကားလမ်း၊ (၃၉၁) ကီလိုမီတာနှင့် (၃၉၁/၅) ကီလိုမီတာနေရာတို့တွင် ယနေ့ညနေ ၄ နာရီခန့်က မြေပြိုမှုဖြစ်ပွားခဲ့ကြောင်း သိရသည်။