ရှမ်းပြည်နယ်(တောင်ပိုင်း) လင်းခေးခရိုင် မိုးနဲမြို့နယ်တွင် ၂ဝ၂ဝ ပြည့်နှစ် အထွေထွေ ရွေးကောက်ပွဲအတွက် ကြိုတင်ပြင်ဆင်သည့်အနေဖြင့် ၂ဝ၁၉ ခုနှစ်ကို မဲဆန္ဒရှင်စာရင်းပြုစုသည့် နှစ်အဖြစ် သတ်မှတ်၍ အခြေခံမဲဆန္ဒရှင်လူဦးရေစာရင်း ပြည့်စုံမှန်ကန်စွာ ကောက်ယူနိုင်ရေး မြေပြင်ရှိ အချက်အလက်များကို  ဇူလိုင်လ ၈ ရက်နေ့မှစပြီး ရပ်ကွက်/ကျေးရွာ အုပ်စုအလိုက် စာရင်းကောက်ယူရေးကော်မတီ အဖွဲ့ဝင်များက အိမ်တိုင်ရာရောက် ကောက်ယူနေကြပြီ ဖြစ်ကြောင်း သိရသည်။

စစ်ကိုင်းတိုင်းဒေသကြီး ကလေးမြို့ပြည်သူတို့အတွက် အပန်းပြေစရာ ဖျော်ဖြေမှုတစ်ခုအနေဖြင့် ပါရာဒီဆို တိုးချဲ့ရုပ်ရှင်ရုံဖွင့်ပွဲ အခမ်းအနားကို ယနေ့ နံနက်ပိုင်းက အဆိုပါ ရုပ်ရှင်ရုံတည်ရှိရာ အမှတ်(၃/၁၉) ဘုရားကြီးလမ်း အောင်မြင်မာန်ရပ်ကွက်ရှိ ပါရာဒီဆိုရုပ်ရှင်ရုံရှေ့တွင် ကျင်းပခဲ့သည်။

ဂျပန်နိုင်ငံ နိုင်ငံခြားရေးဝန်ကြီး မစ္စတာ တာရိုခိုနို ဦးဆောင်သောကိုယ်စားလှယ် အဖွဲ့သည် ယနေ့နံနက် ၉ နာရီ ၁၅ မိနစ်တွင် လေကြောင်းခရီးဖြင့် နေပြည်တော်သို့ ရောက်ရှိကြသည်။