ပြည်ထောင်စုရှေ့နေချုပ် ဦးထွန်းထွန်းဦးသည် သြစတြေးလျနိုင်ငံသံအမတ်ကြီး Ms. Andrea Faulkner နှင့် အဖွဲ့အား ယနေ့နံနက် ၉ နာရီတွင် ပြည်ထောင်စုရှေ့နေချုပ်ရုံး ဧည့်ခန်းမ၌ လက်ခံတွေ့ဆုံသည်။

တနင်္သာရီတိုင်းဒေသကြီး ကျွန်းစုမြို့နယ်တွင် ချစ်ကြည်ရေးအထိမ်းအမှတ်ဖြင့် တနင်္သာရီ ရေတပ်စခန်း ဌာနချုပ်(ကျွန်းစုမြို့)နှင့် ဗီယက်နမ်နိုင်ငံ ပြည်သူ့ရေတပ်တို့ ချစ်ကြည်ရေး ဘော်လီဘောပြိုင်ပွဲကို ယနေ့ နံနက်ပိုင်းက  ကျွန်းစုမြို့နယ် မိုးလုံလေလုံ အားကစားခန်းမ၌ ယှဉ်ပြိုင်ကစားခဲ့သည်၊

အိမ်တိုင်ရာရောက် မိုဘိုင်းစနစ်ဖြင့် စာအုပ်များငှားရမ်းပေးခြင်းကို ယနေ့ နံနက် ၉ နာရီခွဲက တနင်္သာရီတိုင်းဒေသကြီး မေတ္တာမြို့တွင် ပြုလုပ်ခဲ့ကြောင်း မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ သိရသည်။

ပြည်မြို့နယ်တွင် ဧပြီလ ၂ ရက် ညနေပိုင်းက မိုးသက်လေပြင်းကျရောက်မှုကြောင့် ပြည်ရွှေဆံတော် ဘုရားရင်ပြင်တော် အရှေ့ဘက်ထောင့်(အင်္ဂါထောင့်)ရှိ ရုပ်ပွားတော်ခြောက်ဆူ တန်ဆောင်း တစ်ခု ပြိုလဲသွားခဲ့ပြီး နဂါးနှစ်ကောင်တောင်ဘက်စောင်းတန်းရှိ တိုင်လေးတိုင်ပက်ကြားအက်မှုနှင့် ဗောဓိ ညောင်ပင်ကိုင်းများ ကျိုးကျပျက်စီးမှုတို့ကို ဧပြီ ၄ရက် နံနက်ပိုင်းတွင် ဒေသကွပ်ကဲမှုစစ်ဌာနချုပ် (ပြည်)မှတပ်မတော်သားများနှင့်ပြည်ခရိုင် မီးသတ်ဦးစီးမှူးရုံးမှ တပ်ဖွဲ့ဝင်များကပူးပေါင်း ရှင်းလင်းရေးလုပ်ငန်းများ ဆောင်ရွက်ပေးခဲ့ကြောင်း သိရသည်။

မလှိုင်မြို့နယ်ရှိ ကျေးရွာ(၁၃)ရွာအတွက် ပရဟိတလုပ်ငန်းများ ဆောင်ရွက်နိုင်ရန် လူနာတင်ယာဉ် ပေးအပ်လှူဒါန်းခြင်းကို ယနေ့ နံနက်ပိုင်းက မြင်းဦးလှည့်ကျေးရွာရှိ ဝိသုကမ္မနိမ္မတ ဘုန်းတောကြီးကျောင်း ဆရာတော် ဦးကောသိယထံသို့ လှူဒါန်းခဲ့ကြောင်း သိရသည်။

မြန်မာနိုင်ငံ ကြက်ခြေနီအသင်းနှင့် ဂျာမနီနိုင်ငံ ကြက်ခြေနီအသင်းတို့ ပူးပေါင်းဖွင့်လှစ်သည့် ရှေးဦးပြုစုခြင်း နည်းပြသင်းတန်း ဖွင့်ပွဲအခမ်းအနားကို ယနေ့ နံနက် ၁၀ နာရီက သန်လျင်မြို့ မဟာမဇ္ဈိမာရုံစာသင်တိုက် ရွှေဥကျောင်းဆောင်၌ ကျင်းပသည်။