ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် ကရင်ပြည်နယ် ဘားအံမြို့ ကွန်ပျူတာတက္ကသိုလ်(ဘားအံ)ရှိ ပါမောက္ခချုပ်၊ ဒုတိယ ပါမောက္ခချုပ်နှင့် ဆရာ ဆရာမများ၊ ကျောင်းသား ကျောင်းသူများနှင့် တွေ့ဆုံပွဲ အခမ်းအနားကို မတ် ၉ ရက် နံနက်ပိုင်းတွင် ကွန်ပျူတာတက္ကသိုလ် (ဘားအံ)ရှိ ဘွဲ့နှင်းသဘင်ခန်းမ၌ ကျင်းပသည်။ 

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် ကရင်ပြည်နယ် ဗမာတိုင်းရင်းသား လူမျိုးရေးရာဝန်ကြီး ဦးတေဇထွဋ်လှိုင်ထွေးတို့သည် ယမန် နေ့နံနက်ပိုင်းက ကရင်ပြည်နယ် မြဝတီမြို့သို့ ရောက်ရှိပြီး တက္ကသိုလ်ဝင်တန်းဖြေဆို နေကြသည့် ကျောင်းသား ကျောင်းသူများအား သွားရောက်တွေ့ဆုံ၍ အားပေးစကား ပြောကြားသည်။ 

သဘာဝဘေးအန္တရာယ်ဆိုင်ရာ စီမံခန့်ခွဲမှုသင်တန်းကို ယနေ့ နံနက် ၉ နာရီက မန္တလေးမြို့ ပြည်ကြီးတံခွန်မြို့နယ်၊ ၆၂ လမ်းနှင့် မြဝတီမင်းကြီးလမ်းဒေါင့်ရှိ လူထုအခြေပြုဗဟိုဌာနတွင် ပြုလုပ်ခဲ့ကြောင်း သိရသည်။

မိတ္ထီလာမြို့နယ် ရတနာမာရ်အောင်ရပ်ကွက်နယ်မြေ ရေကျော် ၂ ပေါက်အနီးရှိ မိတ္ထီလာ-သာစည် ကားလမ်းဘေး မှောင်ရိပ်အတွင်း၌ ပိုင်ဆိုင်မှုအထောက်အထားမရှိသော ဆိုင်ကယ်သုံးစီးနှင့် လူ ၆ ဦးအား မတ် ၁ဝ ည ၁၁ နာရီက တွေ့ရ၍ နယ်မြေလှည့်ကင်းအဖွဲ့က ဖမ်းဆီးအရေးယူထားကြောင်း သိရသည်။

စစ်ကိုင်းတိုင်းဒေသကြီး၊ ဘုတလင်မြို့နယ် စက်မှုလယ်ယာဦးစီးဌာနနှင့် Tech United Power ကုမ္ပဏီတို့ ပူးပေါင်းပြီး ဘုတလင်မြို့နယ်၊ ဆည်ဝကျေးရွာ၊ ကွင်းအမှတ်(၁၄၅)တွင် အဆင့်မြင့်လယ်ယာမြေ ဧက(၁၀ဝ) ဖော်ထုတ်ခြင်းလုပ်ငန်းကို ယခုမတ်လဆန်းက စတင်ဆောင်ရွက်လျက်ရှိကြောင်း မြို့နယ်စက်မှုလယ်ယာဦးစီးဌာန၊ မြို့နယ်ဦးစီးမှူး ဦးမျိုးမင်းထွန်း၏ ပြောပြချက်အရ သိရသည်။

နေပြည်တော် ဥတ္တရခရိုင်၊ တပ်ကုန်းမြို့နယ် စာပေချစ်သူများအဖွဲ့နှင့် စာပေဝါသနာရှင်များ စုပေါင်းကျင်းပသည့် စာဖတ်ဝိုင်းဆွေးနွေးပွဲကို မတ် ၁၀ ရက် မွန်းလွဲ ၂ နာရီက ပြန်ကြားရေးနှင့် ပြည်သူ့ဆက်ဆံရေးဦးစီးဌာနရှိ လူထုအခြေပြုဗဟိုဌာန (Community Center) ၌ ကျင်းပသည်။