စစ်ကိုင်းတိုင်းဒေသကြီး ကလေးခရိုင် ကလေးဝမြို့တွင် နိုင်ငံတော်ဓာတ်အားစနစ်မှ ၂၄ နာရီ ဓာတ်အားဖြန့်ဖြူးပေးနိုင်ပြီဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာန သတင်းထုတ်ပြန်ချက်အရ သိရသည်။

မန္တလေးတိုင်းဒေသကြီး၊ မြင်းခြံမြို့နယ်တွင် တက္ကသိုလ်ဝင်စာမေးပွဲ ဖြေဆိုသူများအတွက် စာမေးပွဲဖြေဆိုခွင့်ကတ်များ ဖေဖော်ဝါရီ ၁၆ ရက်မှ စတင်၍ ထုတ်ပေးနေပြီဖြစ်ကြောင်း သိရှိရသည်။ 

၂၀၁၉ ဖေဖော်ဝါရီ ၁ ရက်မှ စတင်ရောင်းချနေသော ပထမအကြိမ် ကျပ် ၁၀ဝ၀  တန် ထီလက်မှတ် အရင်းဈေးနှုန်းမှာ ၉၁၀ ကျပ်နှုန်းသာရှိသည်။ ရန်ကုန် ပန်းဘဲတန်းမြို့နယ်အတွင်းရှိ ပြင်ပထီဈေးကွက်တွင် ဖေဖော်ဝါရီ  ဒုတိယပတ်အတွင်း ထီလက်ကားဈေးနှုန်းမှာ ကျပ် ၈၀ဝ သို့ ဈေးကျဆင်းလာရာမှ တတိယပတ်အစ ယခုရက်ပိုင်းတွင် ကျပ် ၇၀ဝ နှုန်းသို့ ဈေးကျဆင်းလာသည်ဟု လမ်းမတော်မြို့နယ်ရှိ ထီရောင်းချနေသူတစ်ဦးက ဆိုသည်။

ရှမ်းပြည်နယ်အရှေ့ပိုင်း တာချီလိတ်ခရိုင် ကျန်းမာရေးဦးစီးဌာန၊ ခရိုင်ပြည်သူ့ဆေးရုံအုပ်ကြီး ဒေါက်တာရွှေဝင်း ဦးဆောင်သည့် အထူးကုဆရာဝန်ကြီးများ၊ သူနာပြုများပါဝင်သော ကျန်းမာရေးဝန်ထမ်းများသည် ဖေဖော်ဝါရီ ၁၆ ရက်တွင် ကျိုင်းလပ်မြို့သို့ ကွင်းဆင်းပြီး ပြည်သူ့ကျန်းမာရေး ဝန်ဆောင်မှုလုပ်ငန်းများကို သွားရောက်ဆောင်ရွက်ပေးခဲ့ကြောင်း သိရသည်။

ရန်ကုန်မြို့တွင် ရိုက်ကူးမည့် Line Walker – 2 (Operation Midnight Shadow) ဇာတ်ဝင်ခန်းများနှင့် ပတ်သက်၍ ရိုက်ကူးမည့်နေ့ရက်အလိုက် လမ်းပိတ်/လမ်းလွှဲ ဆောင်ရွက်မည့် အစီအစဉ်များကို ပြည်သူလူထုထံ ဖေဖော်ဝါရီ ၁၅ ရက်တွင် အသိပေးထုတ်ပြန်ခဲ့ပြီး ဖြစ်သည်။

မြန်မာနိုင်ငံတစ်ဝန်း၌ ဒေသန္တရအလိုက် ဘုရားပွဲတော်များ၊ ရာသီပွဲတော်များကို ကျင်းပလျက်ရှိရာ အောက်မြန်မာပြည်၌ အစည်ကားဆုံး ဘုရားပွဲတော်တစ်ခုဖြစ်သည့် ရန်ကုန်တိုင်းဒေသကြီး သန်လျင်မြို့ရှိ ရှေးဟောင်းသမိုင်းဝင် ဆံတော်ရှင် ကျိုက်ခေါက်စေတီတော် ဗုဒ္ဓပူဇနိယပွဲကို ဖေဖော်ဝါရီ ၁၂ ရက်မှ ၂၀ ရက်အထိ စည်ကားသိုက်မြိုက်စွာ ကျင်းပလျက်ရှိသည်။