သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျသည် ယမန်နေ့မွန်းလွဲပိုင်းက နည်းပညာတက္ကသိုလ်(ကျောက်ဆည်)သို့ ရောက်ရှိပြီး နျူကလီးယားအင်ဂျင်နီယာဌာနရှိ လက်တွေ့ခန်းများတွင် ကျောင်းသားများ သုတေသနဆောင်ရွက်နေမှုကို ကြည့်ရှုအားပေးသည်။

ကချင်ပြည်နယ်အစိုးရအဖွဲ့အနေဖြင့် ပြည်နယ်အတွင်းရှိ ယာယီခိုလှုံရာစခန်းနေပြည်သူများ ပြန်လည်နေရာချထားရေးနှင့် ယာယီခိုလှုံရာစခန်းများ ပိတ်သိမ်းနိုင်ရေး ကြိုးပမ်းဆောင်ရွက်လျက်ရှိရာ မြစ်ကြီးနားနှင့် ဝိုင်းမော်မြို့နယ်အတွင်းရှိ ယာယီခိုလှုံရာစခန်း (၂၀)မှ အိမ်ထောင်စုများအတွက် ပြည်နယ်အစိုးရအဖွဲ့ရန်ပုံငွေဖြင့် ဆောက်လုပ်ပေးခဲ့သော ငွေပျော်စံပြကျေးရွာ၌ ရွှေ့ပြောင်းနေထိုင်ကြသည့် အိမ်ထောင်စုများအား မေ ၈ ရက် မွန်းလွဲ ၃ နာရီခွဲက ကျေးရွာခန်းမ၌ သွားရောက်တွေ့ဆုံ အားပေးထောက်ပံ့ကြသည်။