ကချင်ပြည်နယ်၊ မိုးညှင်းခရိုင်၊ မိုးညှင်းမြို့နယ်၊ ဘီလူးမြို့မှ ပင်းဟဲကျေးရွာဘက်အထွက်၌ တံတား တည်ဆောက်ရေး လုပ်ငန်း‌ဆောင်ရွက်ရာတွင် ဇန်နဝါရီ ၂၇ ရက် နံနက်ပိုင်းက ဘက်ဟိုးဖြင့် မြေတူးဖော်ရာမှ စစ်ကျန်ဗုံးသီးတစ်လုံး တွေ့ရှိခဲ့ကြောင်း သိရသည်။

မြန်မာနိုင်ငံ သတင်းမီဒီယာကောင်စီသည် ၂၀၂၁ ခုနှစ် ဖေဖော်ဝါရီ ၁ ရက်မှ၂၀၂၂ ခုနှစ် ဇန်နဝါရီ ၃၁ ရက်အတွင်း ကျင့်ဝတ်နှင့်အညီ ရေးသားထားသည့် သတင်းစာ၊ ဂျာနယ်နှင့် သတင်းမီဒီယာ ကဏ္ဍအသီးသီးတွင် ဖော်ပြခဲ့သော သတင်း၊ သတင်းဆောင်းပါးများကို ရွေးချယ်ပြီး သတင်းသမားများ အတွက် သတင်း၊ သတင်းဆောင်းပါးဆုများ ပေးအပ်ချီးမြှင့်မည်ဖြစ်သည်။

ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ် တိုက်ပွဲရှောင်စခန်းများမှ တိုက်ပွဲရှောင်ပြည်သူ များအား မြို့နယ်တိုက်ပွဲရှောင်ပြည်သူများ ကူညီကယ်ဆယ် ထောက်ပံ့ရေးလုပ်ငန်းများ ဆောင်ရွက်ကြီးကြပ် ရေးကော်မတီမှ ထောက်ပံ့ငွေများ ပေးအပ်ခြင်းကို ဇန်နဝါရီ ၂၈ ရက်က တောင်မြို့ရပ်ကွက်ရှိ ၂၅၀၀ ကျောင်းတိုက် တိုက်ပွဲရှောင်စခန်းနှင့် ဘော်ကြိုကျေးရွာအုပ်စု၊ ဘော်ကြိုဘုရားကြီးဓမ္မာရုံ တိုက်ပွဲရှောင် စခန်းများသို့ သွားရောက်ထောက်ပံ့ ပေးအပ်ခဲ့သည်။