ရှမ်းပြည်နယ်(တောင်ပိုင်း)  တောင်ကြီးမြို့နယ် ရွှေညောင်  မြို့မကျေးရွာအုပ်စု ကွမ်းဘုံ ကျေးရွာရှိ ဘက်စုံအဆင့်မြင့်နည်းပညာသုံးစံပြစိုက်ခင်းကြီးများအတွက် သဘာဝ မြေဩဇာထောက်ပံ့ပေးအပ်ခြင်း၊ “ဖော”ငမြောင်တောင် (FAW)ကာကွယ်နှိမ်နင်းရေး အတွက် ထောက်ပံ့ပစ္စည်းများပေးအပ်ခြင်းနှင့် မိုးစပါး ပေါင်စနစ်(Raised Bed)ဖြင့် ပျိုးထောင်နည်း လက်တွေ့သရုပ်ပြပွဲအခမ်းအနားကို ယနေ့ နံနက် ၉ နာရီက ကွမ်းဘုံ ဘက်စုံ အဆင့်မြင့်နည်းပညာသုံးစံပြကျေးရွာ၌ ကျင်းပသည်။

ကျေးလက်နေပြည်သူများ၏ လူမှုစီးပွားဘဝ တိုးတက်မြင့်မားလာစေရန်နှင့် လမ်းပန်းဆက်သွယ်ရေး ကဏ္ဍ ဖွံ့ဖြိုးတိုးတက်စေရန် ရည်ရွယ်ချက်ဖြင့် ဆောက်လုပ်ရေးဝန်ကြီးဌာန ၊ ကျေးလက်လမ်းဖွံ့ဖြိုးရေးဦးစီးဌာနမှ မကွေးခရိုင် ၊ နတ်မောက်မြို့နယ်နှင့် ရေနံချောင်းမြို့နယ်တို့ကို ဆက်သွယ်သည့် ဂွေးကုန်း - ဝက်ချုပ် - နတ်မောက် ကျေးလက်ကတ္တရာလမ်းသစ်ဖွင့်ပွဲ အခမ်းအနားကို ယနေ့ နံနက် ၈ နာရီက   အဆိုပါ လမ်းအပိုင်းရှိ မင်္ဂလာမဏ္ဍပ်၌ ကျင်းပသည်။

ဧရာဝတီတိုင်းဒေသကြီး  ပုသိမ်မြို့နယ်  မရမ်းချောင်းကျေးရွာ ဘာရာသာရ်များ သင်တန်းကျောင်း ကက်သလစ်သာသနာခန်းမ၌  ယနေ့ နံနက်ပိုင်းက ဧရာဝတီတိုင်းဒေသကြီး ကရင်စာပေနှင့် ယဉ်ကျေးမှု ကော်မတီမှ ပြုလုပ်ကျင်းပသော သင်တန်းအမှတ်စဉ်(၂/၂၀၂၀) GRADE .2 သင်ရိုးသစ် (စကောနှင့်ပိုး) ကရင်ဆရာဖြစ်သင်တန်းဆင်းပွဲကို ကျင်းပသည်။

ဧရာဝတီတိုင်းဒေသကြီးအတွင်းရှိ ပင်လယ်ကမ်းခြေအပန်းဖြေစခန်းများကို ကျန်းမာရေးနှင့် အားကစား ဝန်ကြီးဌာန၏ ညွှန်ကြားချက်များနှင့်အညီ  ပြန်လည်ဖွင့်လှစ်နိုင်ရေး ဇူလိုင် ၁၆ ရက်က တိုင်းဒေသကြီး အစိုးရအဖွဲ့ရုံး၌ ပြုလုပ်သည့်  အစည်းဝေးတွင် ဆုံးဖြတ်ခဲ့ကြောင်းသိရသည်။

မကွေးတိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာအောင်မိုးညိုသည် တာဝန်ရှိသူများနှင့်အတူ   ဇူလိုင် ၁၈ ရက်  နံနက် ၉ နာရီက နတ်မောက်မြို့ အထွေထွေအုပ်ချုပ်ရေးဦးစီးဌာန အစည်းအဝေး ခန်းမ၌ နတ်မောက်မြို့နယ် One State One Township Project အရ လုပ်ငန်းညှိနှိုင်းအစည်းအဝေး ပြုလုပ်ကာ အဆိုပါလုပ်ငန်းများ ဆောင်ရွက်ထားရှိမှု အခြေအနေများကို ကွင်းဆင်းကြည့်ရှုစစ်ဆေးခဲ့ကြောင်း သိရသည်။