ပုံမှန်ဝင်ငွေမရှိသော အခြေခံလူတန်းစားများအတွက် နိုင်ငံတော်မှထောက်ပံ့သော အခြေခံစားသောက်ကုန် (၅)မျိုး ဖြစ်သည့် ဆန်၊ ဆီ၊ ဆား၊ ပဲနှင့် ကြက်သွန်နီတို့ကို ယနေ့ မွန်းတည့် ၁၂ နာရီက “ဝ”ကိုယ်ပိုင် အုပ်ချုပ်ခွင့်ရတိုင်း၊ ဟိုပန်ခရိုင်၊ ဟိုပန်မြို့ရှိ မန်ကောင်းရပ်ကွက်၊ မန်ခွန်ရပ်ကွက်နှင့် မိန်းပန်းရှမ်းရပ်ကွက်တို့တွင် စတင်ပေးအပ်ခဲ့သည်။

ရှမ်းပြည်နယ်တောင်ပိုင်း မိုင်းပန်မြို့နယ်တွင် မဟာသင်္ကြန်ရုံးပိတ်ရက်ကာလအတွင်း ပုံမှန်ဝင်ငွေမရှိသော ပြည်သူများအတွက် နိုင်ငံတော်မှထောက်ပံ့ကူညီသော အခြေခံစားသောက်ကုန်(၅)မျိုး ဖြန့်ဝေထောက်ပံ့လှူဒါန်းခြင်း ကို သက်ဆိုင်ရာ တာဝန်ရှိသူများက ယနေ့ မွန်းလွဲ ၁ နာရီတွင် မိုင်းပန်မြို့ပေါ် ရပ်ကွက်များနှင့် ကျေးရွာအုပ်စုတွင် သွားရောက် ထောက်ပံ့ပေးအပ်ခဲ့သည်။

ရန်ကုန်တိုင်းဒေသကြီး စားနပ်ရိက္ခာဖြည့်တင်းရေးနှင့် ထောက်ပံ့ရေးလုပ်ငန်း ဆပ်ကော်မတီ ညှိနှိုင်းအစည်း အဝေးကို ယနေ့ နံနက် ၉ နာရီတွင် ရန်ကုန်တိုင်းဒေသကြီး အစိုးရအဖွဲ့ရုံး၊ အစည်းအဝေးခန်းမ(၃)၌ ကျင်းပသည်။

မွန်ပြည်နယ်ဝန်ကြီးချုပ် ဒေါက်တာအေးဇံ၊ အစိုးရအဖွဲ့ဝင်ဝန်ကြီးများနှင့် ဌာနဆိုင်ရာ တာဝန်ရှိသူများသည် မဟာသင်္ကြန်ရုံးပိတ်ရက်ရှည် ကာလအတွင်း ပုံမှန်ဝင်ငွေမရှိသော အခြေခံလူတန်းစားများအတွက် နိုင်ငံတော်မှ ထောက်ပံ့သည့် အခြေခံစားသောက်ကုန်(၅)မျိုးကို ယနေ့ညနေပိုင်းတွင် မော်လမြိုင်မြို့ လှိုင်ရပ်ကွက်နှင့် ရွှေပြည်အေး ရပ်ကွက်ရှိ အိမ်များသို့ သွားရောက်ထောက်ပံ့ပေးခဲ့ကြောင်း သိရသည်။