မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တွင် ကိုဗစ်-၁၉ ရောဂါ ဆေးကုသနေသော လူနာများအတွက် အာဟာရများ၊ ဆေးဝါးများ၊ မြို့နယ်ပြည်သူ့ဆေးရုံတွင် လိုအပ်သော ပစ္စည်းများ ဝယ်ယူနိုင်ရေးအတွက် ဇူလိုင် ၁၇ ရက်က မြို့နယ်အတွင်းရှိ ပြည်သူများက မုဒုံမြို့နယ် ပြည်သူ့ဆေးရုံသို့ အလှူငွေများ လာရောက်လှူဒါန်းကြောင်း သိရသည်။

စစ်ကိုင်းမြို့တွင် ကိုဗစ်-၁၉ ရောဂါ ကာကွယ်ထိန်းချုပ်နိုင်ရေးအတွက် ယခင် ရောဂါပိုးတွေ့ရှိသူများနှင့် ထိစပ်သူများအား ရှာဖွေ၍ သက်ဆိုင်ရာ Quarantine Center များတွင် ထားရှိကာ ကျန်းမာရေးဝန်ထမ်းများက နေ့စဉ် ကိုဗစ်-၁၉ ရောဂါပိုး ရှိ/ မရှိကို စစ်ဆေးဆောင်ရွက်ပေးလျက်ရှိကြောင်း သိရသည်။

ရှမ်းပြည်နယ်(အရှေ့ပိုင်း)၊ ကျိုင်းတုံခရိုင်၊ မိုင်းပျဉ်းမြို့နယ်တွင် ဇူလိုင် ၁၇ ရက်က ကိုဗစ်-၁၉ ရောဂါ အတည်ပြု လူနာ ခုနစ်ဦး ထပ်မံတွေ့ရှိခဲ့သဖြင့် စုစုပေါင်း ၆၅ ဦးအထိ ရှိပြီဖြစ်ကြောင်း သိရသည်။