မော်လမြိုင်ခရိုင်၊ ကျိုက်မရောမြို့နယ် နတ်စမ်းကျေးရွာ၌ မြေလွတ်များပေါ်တွင် အာဆီယံ အောင်သပြေပန်းများ စီးပွားဖြစ် စိုက်ပျိုးသူများ အောင်မြင်ဖြစ်ထွန်းလျက်ရှိကြောင်း သိရသည်။

မကွေးတိုင်း၊ မင်းဘူး(စကု)မြို့နယ် ရေတွင်းကုန်းရွာတွင် ငရုတ်ကို တစ်ရွာလုံးက ရေသွင်းစိုက်ပျိုးကြပြီး ငရုတ်အထွက်နှုန်းများကောင်းကာ ယမန်နှစ်ကထက် တစ်ပိဿာချင်းဈေး နှစ်ဆပိုရသည့်အတွက် ကိုဗစ်ကပ်ရောဂါကာလအတွင်း စားဝတ်နေရေးများ အဆင်ပြေလျက်ရှိကြောင်း သိရသည်။

ချင်းပြည်နယ်၊ တီးတိန်မြို့နယ်၌ တစ်ပိုင်တစ်နိုင် စိုက်ပျိုးထားသည့် သစ်လိမ်သီးခေါ်(မျောက်ငိုသီး)များ ပေါ်ချိန်ဖြစ်သော်လည်း ကိုဗစ်-၁၉ ရောဂါကြောင့် ဝယ်ယူသူနည်း၍  ယခင်နှစ်များလောက် ဈေးမရသဖြင့် မျောက်ငိုသီး စိုက်ပျိုးသည့် တောင်သူများ အပိုဝင်ငွေလျော့ကျဖွယ်ရှိကြောင်း မျောက်ငိုပင် စိုက်ပျိုးသည့် တောင်သူများထံမှ သိရသည်။