ပြင်ဦးလွင်ခရိုင် မတ္တရာမြို့နယ် ရွှေတချောင်းမြောင်းတွင် မေ ၂၉ ရက်နေ့က အမျိုးသားတစ်ဦး ရေနစ်သေဆုံးကြောင်း သိရသည်။

စစ်ကိုင်းတိုင်းဒေသကြီး ရွှေဘိုမြို့တွင် မေ ၂၉ ရက် ညပိုင်းက လမ်းဖြတ်ကူးသူအား ဆိုင်ကယ်တိုက်မိ၍ လူတစ်ဦးသေဆုံးခဲ့ကြောင်း သိရသည်။

မန္တလေးတိုင်းဒေသကြီး၊ ရမည်းသင်းခရိုင်ရဲတပ်ဖွဲ့မှူး ဒုတိယရဲမှူးကြီး ဝင်းကျော်ဦးစီးသည့် ခရိုင်မှုခင်းနှိမ်နင်းရေး ရဲတပ်ဖွဲ့ဝင်များသည် သက်သေများနှင့်အတူ ယနေ့ နံနက် ၁ နာရီခွဲက ကျောင်းကုန်းကျေးရွာနေ အောင်ဖေ၏ နေအိမ်အား ဝင်ရောက်ရှာဖွေရာ စိတ်ကြွရူးသွပ်ဆေးပြား (၂၈၀ဝ)၊ ဘိန်းချေးဟု ယူဆရသော အမဲရောင်အမှုန့် (၄၃)ကျပ်သားခန့်၊ ဘိန်းရူရာတွင် အသုံးပြုသော ပစ္စည်းများအား ထည့်ထားသည့် သံသေတ္တာ(၁)လုံး၊ အရှည်(၁၅)လက်မရှိ လက်လုပ်တူမီးသေနတ်အတို (၁)လက်၊ ခဲသီး(၇)လုံး၊ ဓားအိမ်ပါ ဓား(၄)ချောင်းတို့အား သိမ်းဆည်းရမိခဲ့သည်။