သြစတေးလျနိုင်ငံမှာ ရက်ဘီကစားသမားဟောင်း ရိုဝှန် ဘက်တာ က သူ့ဇနီး ဟန်နာ ကလပ်နဲ့ ကလေးသုံးဦးကို မော်တော်ကားအတွင်းမှာ ဓါတ်ဆီလောင်း မီးရှို့သတ်မှု မနေ့က ဖြစ်ပွားခဲ့ပါတယ်။

မကွေးတိုင်းဒေသကြီး ဆိပ်ဖြူမြို့ အနောက်ပိုင်းရပ်ကွက်တွင် ယ‌နေ့ နံနက်  ဝ၀  နာရီ ၂၂ မိနစ်က ပုဂ္ဂလိက သစ်စက်တစ်ခုမှ သစ်အခြောက်ခံစက်အဆောက်အဦးတွင် လျှပ်စစ်ဝါယာ အပူလွန်ကဲ၍ မီးလောင်မှုဖြစ်ပွားခဲ့ကြောင်းသိရှိရသည်။

မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဖေဖော်ဝါရီ ၁၈ ရက် မွန်းလွဲ ၁ နာရီက မိုးညှင်းမြို့နယ်၊ နန့်မွန်းမြို့၊ အမှတ်(၂)ရပ်ကွက်၊ အိမ်အမှတ်(မမ-၇၃)နေ နိုင်ဝင်းထွန်း (ခ) မောင်မောင်၏ နေအိမ်ကိုရှာဖွေရာ ၎င်းနှင့်အတူ မြင့်လွင်ဦးအားတွေ့ရှိရပြီး နေအိမ်မှ ဘိန်းဖြူ သုည ဒသမ ၂၈ ကီလိုသိမ်းဆည်းရမိခဲ့သည်။

ရှမ်းပြည်နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဖေဖော်ဝါရီ ၁၈ ရက် နံနက် ၈ နာရီမှ ညနေ ၄ နာရီထိ နမ့်ခမ်းမြို့နယ်၊ တာကွန့်ကျေးရွာ၏ မြောက်ဘက် ၁ မိုင်ခန့်အကွာ၌ အမြင့် ၂ ပေခန့်ရှိ သီးပွင့်ဆဲဘိန်းခင်းစုစုပေါင်း ၁၆ ဧကခန့်နှင့် အထက်စီတန့်ကျေးရွာ၏ အနောက်တောင်ဘက် ၁ မိုင်ခွဲခန့်အကွာ၌ အမြင့် ၂ ပေခွဲခန့်ရှိ သီးပွင့်ဆဲဘိန်းခင်း ၂ ဧကခန့်အား ဖျက်ဆီးခဲ့သည်။