ရှမ်းပြည်နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဖေဖော်ဝါရီလ ၈ ရက်က ဆီဆိုင်မြို့နယ်၊ ထီတယမ်းကျေးရွာ၏ အနောက်မြောက်ဘက် ၂ မိုင်ခန့်အကွာရှိ အမြင့် ၁ ပေခွဲခန့်ရှိ သီးပွင့်ဆဲ ဘိန်းခင်းစုစုပေါင်း ၁၂ ဧကခန့်နှင့်  မိုင်းပျဉ်းမြို့နယ်၊ ဟွေမူ(၂)ကျေးရွာ၏ တောင်ဘက်၃ မိုင်ခန့်အကွာ၌ အမြင့် ၁ ပေခန့်ရှိ သီးပွင့်ဆဲ ဘိန်းခင်းစုစုပေါင်း ၃ ဧကခန့်တို့အား ဖျက်ဆီးခဲ့ကြကြောင်း

ပုသိမ်ကြီးမြို့နယ်၊ မဲကင်းကုန်းကျေးရွာအုပ်စု၊ ကွင်းအမှတ် (၄၉၅)ရှိ ခြံအတွင်း ဖေဖော်ဝါရီ ၉ ရက် နံနက် ၉ နာရီ ၅၄ မိနစ်ခန့်တွင် ဆီပေပါများချရာမှ မီးလောင်မှုဖြစ်ပွားကြောင်း သိရသည်။

မန္တလေးမြို့၊ မဟာအောင်မြေမြို့နယ်၊ ၈၉ လမ်းနှင့် ၉၀ လမ်း၊ ၄၄ လမ်းနှင့် ၄၅ လမ်းကြား၊ သပြေညွန့်ရပ်တွင် ဖေဖော်ဝါရီ ၉ ရက် မွန်းလွဲ ၁ နာရီ ၄၃ မိနစ်က ဘုရားစင်ရှိ ရောင်စုံမီးစက်ြာတွင် လျှပ်စစ်ဝိုင်ယာကြိုးများ အပူလွန်ကဲရာမှ မီးစတင်လောင်ကျွမ်းခဲ့ပြီး မွန်းလွဲ ၂ နာရီ ၃ မိနစ်တွင် မီးငြှိမ်းသတ်နိုင်ခဲ့ကြောင်း သိရသည်။

မန္တလေးခရိုင်တွင် ဇန်နဝါရီလအတွင်း မီးလောင်မှုများအနက် လျှပ်စစ်မီးပေါ့ဆမှုကြောင့် ဖြစ်ပွားခဲ့သော မီးလောင်မှုသည် အများဆုံးဖြစ်ကြောင်း တိုင်းဒေသကြီး မီးသတ်ဦးစီးဌာနရုံးမှ သိရသည်။

တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့၊ ကန်ဖျားနယ်မြေ၊ ကန်ဖျားရပ်ကြီးရပ်ကွက်၊ ဗိုလ်ဗထူးလမ်းသွယ်(၂)လမ်းရှိ နေအိမ်တစ်အိမ်တွင် ဖေဖော်ဝါရီ ၇ ရက် ည ၈ နာရီခွဲခန့်က အမည်မသိ လူသုံးဉီးမှ ဓါးထောက်ခြိမ်းခြောက်၍ ရွှေထည်ပစ္စည်းများနှင့် ငွေများ လုယူထွက်ပြေးသွားကြောင်း သိရသည်။