အာရှဘောလုံးအဖွဲ့ချုပ်က စီစဉ်ကျင်းပသည့် ၂၀၂၃ အာရှဖလား တတိယအဆင့်ခြေစစ်ပွဲ အုပ်စု ပထမနေ့ကို ဇွန် ၈ ရက် (ယနေ့)စတင်မည်ဖြစ်ပြီး စုစုပေါင်း ၁၂ ပွဲ ကျင်းပမည်ဖြစ်သည်။ မြန်မာ အသင်းသည် တာဂျစ်ကစ္စတန် အသင်းနှင့် စတင်ကစားရမည်ဖြစ်ပြီး ယနေ့မြန်မာစံတော်ချိန် ညနေ ၅ နာရီတွင် ကာဂျစ္စတန်နိုင်ငံ၌ ယှဉ်ပြိုင်ကစားရမည် ဖြစ်သည်။

​​​​​​​စပိန်တင်းနစ် အကျော်အမော် ရာဖေးလ်နာဒယ်နဲ့ နော်ဝေတင်းနစ် ကစားသမား ကက်စပါရုဒ်တို့ ဇွန် ၅ ရက် ညပိုင်းက ယှဉ်ပြိုင်ကစားခဲ့တဲ့ ပြင်သစ်အိုးပင်းတင်းနစ်ပြိုင်ပွဲ အမျိုးသားတစ်ဦးချင်း နောက်ဆုံး ဗိုလ်လုပွဲစဉ်မှာ ရာဖေးလ်နာဒယ်က ကက်စပါရုဒ်ကို အနိုင်ရရှိခဲ့တာကြောင့် ပြင်သစ်အိုးပင်းတင်းနစ် ဆုဖလားကို (၁၄)ကြိမ်မြောက် ဆွတ်ခူးနိုင်ခဲ့ပြီ ဖြစ်ပါတယ်။

ယူအီးအက်ဖ်အေနေးရှင်းလိဂ်ပြိုင်ပွဲ အဖွင့်ပွဲစဉ်အဖြစ် လိဂ်(အေ) အုပ်စု ၃ မှ နာမည်ကြီး အီတလီအသင်း နှင့် ဂျာမနီ အသင်းတို့ပွဲစဉ်ကို ဇွန် ၅ ရက် နံနက်ပိုင်း က အီတလီအိမ်ကွင်း၌ ယှဉ်ပြိုင်ကစား ခဲ့ရာ တစ်ဖက်တစ်ဂိုးစီဖြင့် ပွဲပြီးဆုံးခဲ့သည်။ အီတလီအသင်းသည် ယခုပွဲစဉ် မတိုင်မီ Finalissima ဗိုလ်လုပွဲတွင်အာဂျင်တီးနားအသင်းနှင့် ယှဉ်ပြိုင် ကစားခဲ့ပြီး သုံးဂိုးပြတ်ရှုံးနိမ့်ထားသည်။ ယခုပွဲစဉ်တွင် အီတလီအသင်းသည် အာဂျင်တီးနားအသင်းနှင့် ပွဲစဉ်ကထက် ကစားအားတက်လာခဲ့ပေမယ့် ဂျာမနီအသင်းကို အနိုင်ရရှိအောင် စွမ်းဆောင်နိုင်ခြင်း မရှိခဲ့ချေ။

ပိုလန်တင်းနစ်မယ် ဆွီယာတက်ခ်နဲ့ အမေရိကန်ဆယ်ကျော်သက်တင်းနစ်မယ် ကိုကိုဂေါက်ဖ်တို့ ယှဉ်ပြိုင်ကစားခဲ့တဲ့ ပြင်သစ်အိုးပင်းတင်းနစ်ပြိုင်ပွဲ အမျိုးသမီးတစ်ဦးချင်း နောက်ဆုံးဗိုလ်လုပွဲစဉ်မှာ ဆွီယာတက်ခ်က အနိုင်ရရှိခဲ့တာကြောင့် ပြင်သစ်အိုးပင်းတင်းနစ်ဆုဖလားကို ဆွတ်ခူးနိုင်ခဲ့ပြီ ဖြစ်ပါတယ်။

ဥရောပချန်ပီယံ အီတလီအသင်းနဲ့ တောင်အမေရိကချန်ပီယံ အာဂျင်တီးနားအသင်းတို့ ယှဉ်ပြိုင် ကစားခဲ့တဲ့ Finalissima ဖလားပွဲစဉ်မှာ အာဂျင်တီးနားအသင်းက အီတလီ အသင်းကို သုံးဂိုးပြတ်နဲ့ အနိုင်ရရှိခဲ့တာကြောင့် အာဂျင်တီးနားအသင်းဟာ Finalissima ဖလားကို ရယူဆွတ်ခူးနိုင်ခဲ့ပြီ ဖြစ်ပါတယ်။