အင်္ဂလန်နိုင်ငံ၏ သက်တမ်းရင့် ပြိုင်ပွဲတစ်ခုဖြစ်သည့် အက်ဖ်အေဖလားဗိုလ်လုပွဲစဉ်ကို မေ ၁၅ ရက် (စနေနေ့) ည ၁၀ နာရီ ၄၅ မိနစ်တွင် ချယ်ဆီးအသင်းနှင့်လက်စတာအသင်းတို့ ဝင်ဘလေအားကစား ကွင်း၌ အကြိတ်အနယ်ယှဉ်ပြိုင်မည်ဖြစ်သည်။ ယမန်နှစ်က အက်ဖ်အေဖလားအား အာဆင်နယ်အသင်း က ချယ်ဆီးအသင်းကို နှစ်ဂိုး-တစ်ဂိုးဖြင့် အနိုင်ယူပြီး ဆွတ်ခူးထားသည်။

နည်းပြဂွါဒီယိုလာရဲ့ မန်စီးတီးအသင်းဟာ မန်ယူအသင်းက လက်စတာစီးတီးအသင်းကို ရှုံးနိမ့်ခဲ့တာကြောင့် ပရီမီယာလိဂ်ဖလားကို ရယူဆွတ်ခူးနိုင်ခဲ့ပြီဖြစ်ပါတယ်။

အာရှဘောလုံးအဖွဲ့ချုပ်သည် ယခုနှစ်အတွင်း ကျင်းပရန် စီစဉ်ထားသည့်အာရှဖလား အမျိုးသမီးခြေစစ်ပွဲကျင်းပမည့်ရက်များအား ပြန်လည်အတည်ပြု ထုတ်ပြန်မည်ဖြစ်သည်။ အာရှဘောလုံး အဖွဲ့ချုပ်သည် ယခုနှစ်အတွင်း အာရှဖလား အမျိုးသမီးဘောလုံးပြိုင်ပွဲ ခြေစစ်ပွဲသုံးခု ကျင်းပရန် စီစဉ်ထား ခြင်းဖြစ်သည်။

ကမ္ဘာ့ကြက်တောင်အဖွဲ့ချုပ်သည် တိုကျိုအိုလံပစ်ပြိုင်ပွဲဝင်ခွင့်ရရှိသည့် ကြက်တောင်အားကစားသမား များကို ဇွန်လလယ်တွင် ထုတ်ပြန်ကြေညာမည်ဖြစ်သည်။ ကိုဗစ်-၁၉ ကပ်ရောဂါကြောင့် လက်ရည်စစ်ပွဲကာလကို အပြောင်းအလဲပြုလုပ်ခဲ့ရသဖြင့် ဝင်ခွင့်ရရှိသည့် ကစားသမားများကို ဇွန် ၁၅ ရက်မှသာ ထုတ်ပြန်ကြေညာခြင်းဖြစ်သည်။

ပရီမီယာလိဂ်ပွဲစဉ် (၃၆) အဖြစ် ချယ်ဆီး အသင်းနှင့် အာဆင်နယ်အသင်းတို့ ပွဲစဉ်ကို မေ ၁၃ ရက် နံနက် ၁ နာရီ ၄၅ မိနစ် တွင် စတန်းဖို့ဒ်ဘရစ်၌ ယှဉ်ပြိုင်ကစားကြမည်ဖြစ်သည်။

ပရီမီယာလိဂ်ပွဲစဉ် (၃၆)အဖြစ် မန်ယူအသင်းနှင့် လက်စတာအသင်းတို့ပွဲစဉ်ကို မေ ၁၁ ရက် (ယနေ့) ည ၁၁ နာရီခွဲတွင် မန်ယူ အိမ်ကွင်း၌ ယှဉ်ပြိုင်ကစားမည်ဖြစ်သည်။