မန္တလေးတိုင်းဒေသကြီး မြင်းခြံမြို့မှ စက်ဘီးချစ်သူများအဖွဲ့ အသင်းပြန်လည်ဖွဲ့စည်းခြင်း အထိမ်းအမှတ်အဖြစ် စုပေါင်းစက်ဘီးစီးခြင်းကို ယနေ့ နံနက် ၆ နာရီက ဗိုလ်ချုပ်ကြေးရုပ်ရှေ့မှ စတင်စီးနင်းခဲ့ကြောင်း သိရသည်။

၂၀၂၀ ရာသီ MNL အမှတ်ပေးပြိုင်ပွဲ ပွဲစဉ် (၈) ဒုတိယနေ့ကို ယနေ့ညနေပိုင်းက ကွင်းသုံးကွင်း၌ ကျင်းပရာ ဧရာဝတီနှင့် စစ်ကိုင်းအသင်း နိုင်ပွဲရပြီး ဇယားထိပ်ဆုံးမှ ဟံသာဝတီအသင်း ပထမဆုံးရှုံးပွဲကြုံတွေ့ခဲ့သည်။

လူငယ်လူရွယ်များအနေဖြင့် နွေရာသီအားလပ်ရက်တွင် အားကစား လေ့ကျင့်လိုက်စားခြင်းဖြင့် ကျန်းမာကြံ့ခိုင်ပြီး ဗလငါးတန်ဖြင့်ပြည့်စုံသော နိုင်ငံ့သားကောင်း/ သမီးကောင်းများ ဖြစ်လာစေရေး၊  တစ်မျိုးသားလုံးကျန်းမာကြံ့ခိုင်ရေးဆိုသည့် ရည်ရွယ်ချက်များဖြင့်  နွေရာသီအခြေခံ အားကစား သင်တန်းများဖွင့်ပွဲကို ယနေ့နံနက် ၉ နာရီတွင် ရန်ကုန်မြို့ရှိ သိမ်ဖြူအားကစားရုံ၌ ကျင်းပသည်။