မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်ကော်မတီ၊ MPT နှင့် Myanmar Care တို့ ပူးပေါင်းစီစဉ်သည့် ဂျပန်နိုင်ငံ ဘောလုံးလေ့လာရေး ခြေစမ်းခရီးစဉ် (MFF-MNL's Youth Development Program- Road to Japan 2020) အတွက် မြန်မာလူငယ်ကစားသမား ၂၅ ဦး ရွေးချယ်လိုက်ပြီဖြစ်သည်။

အာရှဘောလုံးအဖွဲ့ချုပ် (AFC) က ကြီးမှူးကျင်းပသည့် ၂၀၂၀ ရာသီ AFC Cup ပြိုင်ပွဲ ခြေစစ်ပွဲများကို ဇန်နဝါရီ ၂၂ ရက်တွင် ကျင်းပမည်ဖြစ်ပြီး မြန်မာကလပ် ရန်ကုန်ယူနိုက်တက်အသင်းသည် ဘရူနိုင်းကလပ်အင်ဒရာအသင်းနှင့် ယှဉ်ပြိုင်ရမည်ဖြစ်သည်။

တိုက်ကွမ်ဒိုအားကစား ဂုဏ်ထူးဆောင် ခါးစည်းအနက်အဆင့်ဝတ်စုံနှင့် ဂုဏ်ထူးဆောင်လက်မှတ် ပေးအပ်ခြင်းအခမ်းအနားကို ယနေ့မွန်းလွဲပိုင်းတွင် ရန်ကုန်မြို့ရှိ Lotte Hotel ၌ ကျင်းပသည်။

၂၀၁၉-၂၀၂၀ ရာသီ MFF ဖူဆယ်လိဂ်ပြိုင်ပွဲ ပွဲစဉ် (၁၄) ကို ဇန်နဝါရီ ၁၈ ရက်က အမျိုးသားအားကစားပြိုင်ပွဲရုံ-၂ လှိုင်၌ ဆက်လက်ကျင်းပ

၂၀၁၉ ဖိလစ်ပိုင်ဆီးဂိမ်းပြိုင်ပွဲ ယှဉ်ပြိုင်ခဲ့သည့် မြန်မာ ယူ-၂၂ အသင်း၏ ပြိုင်ပွဲအကြိုပြင်ဆင်မှုများတွင် ထိခိုက်ဒဏ်ရာရခဲ့သည့် ဂိုးသမား ဘုန်းသစ္စာမင်းနှင့် နောက်ခံလူ ကျော်သူထွန်းတို့၏ဒဏ်ရာကို ထိုင်းနိုင်ငံဘန်ကောက်မြို့ရှိ သွန်ဘူရီဆေးရုံ၌ ခွဲစိတ်ကုသမှုများ ပြုလုပ်ခဲ့သည်။ ယင်းကစားသမားနှစ်ဦး၏ ခွဲစိတ်ကုသမှုများကို မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော် တည်ထောင်ထားသည့် ဧရာဝတီဖောင်ဒေးရှင်းက အကုန်အကျခံခွဲစိတ်ကုသပေးခြင်းဖြစ်ပြီး ပြန်လည်ကောင်းမွန်သည်အထိ ဆောင်ရွက်ပေးမည်ဖြစ်သည်။

 ၂၀၂၀ ရာသီ MNL အမှတ်ပေးပြိုင်ပွဲ ပွဲစဉ် (၂) နောက်ဆုံးနေ့ကို ယနေ့ညနေပိုင်းက ဆက်လက်ကျင်းပရာ ရန်ကုန်အသင်း နိုင်ပွဲဆက်ပြီး ဧရာဝတီအသင်း ပထမဆုံးနိုင်ပွဲရယူနိုင်ခဲ့သည်။