တီးတိန် ၇ သြဂုတ်
ချင်းပြည်နယ်၊ တီးတိန်မြို့နယ်တွင် ဝဥစိုက်တောင်သူ တိုးပွားများပြားလာရာ ၇၁၁ ဧကအထိ တိုးမြှင့်စိုက်ပျိုးခဲ့ကြောင်း သိရသည်။
"မိသားစု စားဝတ်နေရေး၊ ဘဝဖွံ့ဖြိုးတိုးတက်မြင့်မားလာရေး အတွက်ဆိုရင် ဝဥစိုက်ပျိုးနိုင်ဖို့ တကယ်အရေးကြီးနေပါပြီ၊ စနစ်တကျ စိုက်ပျိုးနိုင်အောင် ကြိုးစားသွားမယ်၊ ကူညီပံ့ပိုးပေးတဲ့ လူကြီးများကိုလည်း ကျေးဇူးအထူးတင်ပါတယ်" ဟု ကျေးရွာနေ ဝဥစိုက်တောင်သူတစ်ဦးက ပြောသည်။
တီးတိန်မြို့နယ်တွင် ကျေးရွာပေါင်း (၁၃၀) ရှိ၍ ယခုတွင် ဝဥစိုက်ပျိုးဧကပေါင်း (၇၁၁) အထိရှိလာပြီဖြစ်ကြောင်း မြို့နယ်စိုက်ပျိုးရေးဦးစီးဌာနမှ ဒုတိယဦးစီးမှူး ဦးလျန်းကွပ်ဇထပ်ထံမှ သိရသည်။
မြို့နယ်(ပြန်/ဆက်)
