ထီးလင်း ၃၀ ဒီဇင်ဘာ
ဂန့်ဂေါခရိုင် ထီးလင်းမြို့၌ (၃၉)ကြိမ်မြောက် ရာဇမုနိစေတီတော် ဗုဒ္ဓပူဇနိယပွဲတော်ကို ၁၃၈၁ ခုနှစ်၊ ပြာသိုလဆန်း ၁၃ ရက်မှ ၁၅ ရက်(လပြည့်နေ့)အထိ ပြုလုပ်ကျင်းပသွားမည်ဖြစ်ရာ ယခုအခါ ဈေးဆိုင်ခန်းနေရာများ သတ်မှတ်ချထားပေးလျက်ရှိသည်။
“ကျွန်တော်တို့အနေနဲ့ ဆိုင်ခန်းတစ်ခန်းကို တစ်ည နှစ်ထောင်ကျပ်နှုန်းနဲ့ သုံးညအတွက် ခြောက်ထောင်ကျပ် သတ်မှတ်ထားပါတယ်။ ဆိုင်ခန်းနေရာမရ မရှိရလေအောင်၊ အားလုံးအတွက် အဆင်ပြေအောင်၊ ပွဲခင်းအတွင်း စနစ်တကျဖြစ်အောင် ဆိုပြီးတော့ အခုလိုနေရာများ စီစဉ်သတ်မှတ် ဆောင်ရွက်ပေးရခြင်း ဖြစ်ပါတယ်” ဟု ဂေါပကအဖွဲ့ဝင်တစ်ဦးက ပြောသည်။
ထို့သို့ ဈေးဆိုင်ခန်းများ သတ်မှတ်နေရာချထားပေးရာတွင် ရပ်ကွက်အုပ်ချုပ်ရေးမှူးများ၊ ဂေါပက လူကြီးများ၊ မြို့မိမြို့ဖများ ပူးပေါင်းပါဝင် ဆောင်ရွက်ခဲ့ကြောင်း သိရသည်။
အောင်စည်(ပြန်/ဆက်)
